ఆలూ దమ్

బంగాళాదుంపలు - 1/2 kg
టొమోటో గుజ్జు - 2 cups
ధనియాలపొడి - 1 tsp
జీలకర్రపొడి - 1 tsp
నెయ్యి- 1 tsp
అల్లంవెల్లుల్లి - 1 tsp
కారం- 1 tsp
పెరుగు- 1 tsp
ఉప్పు - రుచికి సరిపడా

తయారీ చేయు విధానం:

బంగాళాదుంపల్ని ఉడికించి పొట్టు తీసి చిన్న చిన్న ముక్కలుగా కోయాలి. వెడల్పాటి బాణలిలో నెయ్యి వేసి కాగాక, అల్లం వెల్లుల్లి మిశ్రమం వేసి వేయించాలి. కాసేపటి తరువాత బంగాళాదుంప ముక్కల్ని కూడా వేసి, బాగా కలియబెట్టి పది నిమిషాలపాటు వేయించాలి.

ఇప్పుడు అందులోనే టొమాటో గుజ్జు పోసి ఉప్పు, కారం, ధనియాలపొడి, జీలకర్ర పొడి వేసి తక్కువ మంటమీద ఓ పదినిమిషాలు ఉడికించాలి. మంచి వాసన వస్తుండగా సిమ్‌లో పెట్టి, పెరుగు కలిపి మరో ఐదు నిమిషాలు ఉడికించి దించేస్తే వేడి వేడి ఆలూ దమ్ రెడీ.