టేస్టీ ఆలూ మసాలా పోహా

Published: Friday, June 10, 2011, 16:42 [IST]

కావలసిన పదార్ధాలు:
అటుకులు: 2cups
ఉల్లిపాయ: 1
పచ్చిమిర్చి: 3
ఆలూ: 1
కారట్: 1
టొమాటో: 1
అల్లంవెల్లుల్లి ముద్ద : 1tsp
గరం మసాల పొడి : 1tsp
కరివేపాకు: ఒక రెమ్మ
కొత్తిమీర: అర కట్ట
పల్లీలు,జీడిపప్పు: కొంచెం
నూనె, ఉప్పు: కావలసినంత
పసుపు: 1/2 tsp
నిమ్మకాయ: 1

తయారు చేయు విధానం:
1. ముందుగా అటుకులు కడిగి నీరు వంపేసి పెట్టుకోవాలి.
2. నూనె వేడిచేసి తాలింపు వేసి జీడిపప్పు, కరివేపాకు కూడా వేసి దోరగా వేయించాలి.
3. సన్నగా తరిగిన ఉల్లి, మిర్చి, ఆలూ, కారట్ తురుము వేసి వేయించాలి. ఆలూ ఉడికిన తరువాత తరిగిన టమాట వేసి మగ్గనివ్వాలి.
4. ఇప్పుడు అల్లంవెల్లుల్లిముద్ద, పసుపు, గరంమసాలపొడి వేసి బాగా కలిపి మెత్తబడ్డ అటుకులను, తగినంత ఉప్పు కలిపి రెండునిమిషాలు సన్నని సెగపై ఉంచాలి .
5. చివరిగా తరిగిన కొత్తిమీర వేసి కలిపి దించెయ్యాలి. నిమ్మరసం పిండి ఒక బౌల్ లోకి తీసుకుని వేయించిన పల్లీలు, జీడిపప్పుతో అలంకరించి వేడిగా సర్వ్ చయ్యాలి. ఇష్టం ఉంటే ఇందులో ఇంకా కాప్సికం, బీన్స్, బటానీ ఇవి కూడా వేసుకోవచ్చు.