చాందిని చిట్టి

అరటికాయ
బీన్స్ - 1 కప్పు
ఉల్లిపాయలు - 2
పన్నీరు తురుము- 1కప్పు
అల్లం - 10గ్రా
వెల్లుల్లి - 10గ్రా
బంగాళాదుంప -2
కొబ్బరి తురుము - 1 కప్పు
క్యారెట్ తురుము -1 కప్పు
కార్నన్ ప్లో- 3 tsp
మైదా- 1 కప్పు
ఉప్పు - రుచికి సరిపడా
గరం మసాల - 2 tsp
పచ్చిమిరప - 4
కొత్తిమిర- 1 కప్పు
నూనె- 1/4 ltr
చీజ్-50 గ్రా

తయారు చేయువిధానం: మొదట బంగాళాదుంప ఉండికించి చెక్కుతీసి పెట్టుకోవాలి. తర్వాత ఒక బౌల్ తీసుకొని అందులో ఉడికించి చిదిమి పెట్టుకొన్న బంగాళాదుంప, చిన్నగా తరిగిన అరటికాయ ముక్కలు, బీన్స్, అల్లం, వెల్లుల్లి ముక్కలు, కొద్దిగా కార్నప్లో, మైదా, క్యారెట్ తురుము, పచ్చిమిరప ముక్కలు, కొబ్బరి తురుము, కొత్తిమిర వేసి కొద్దిగా నీరు పోసి ముద్దగా తయారుచేసి పెట్టుకోవాలి. మరోక బౌల్ తీసుకొని అందులో చీజ్, పన్నీర్ ముక్కలు, పచ్చిమిర్చి, కొత్తిమిర, ఉప్పు కలుపుకొవాలి. ఇప్పుడు మొదట తయారు చేసి పెట్టుకొన్న ఆలూ ముద్దలో కొద్ది కొద్దిగా పిండి తీసుకొంటూ అందులో తర్వాత రెడీ చేసిన పన్నీర్ మిశ్రమాన్ని పూర్ణంలా పెట్టాలి. దీన్ని అరచేతిలో పెట్టుకొని అర్థ చంద్రాకారంలో చేత్తో వత్తాలి. ఇలా తయారైన చాందిని చిట్టిపై జీడిపప్పు అలంకరించి పెట్టుకోవాలి. పైనల్ గా స్టౌ వెలిగించి పాన్ పెట్టి అందులోనూనె వేసి బాగా కాగిన తర్వాత రెడీగా పెట్టుకొన్న చాందిని చిట్టిని నూనెలో వేసి ఎర్రగా వేగాక ప్లేట్ లో తీసుకొని వేడి వేడిగా సర్వ్ చేసుకొనవచ్చు.