వరమహాలక్ష్మి స్పెషల్ - కేసరి బాత్

కావలసిన పదార్ధాలు:
సన్న రవ్వ: 2cups
పంచదార: 2cups
ఫుడ్ కలర్: చిటికెడు
పాలు: 2cups
జీడిపప్పు: 10-15
కిస్మిస్(ఎండు ద్రాక్ష): 10-15
యాలకుల పొడి: ఒక టీస్పూన్
నెయ్యి: 1/2cup
నీళ్ళు: 1cup

తయారు చేసే విధానం:
1. ముందుగా ఫ్రైయింగ్ పాన్ తీసుకుని స్టౌ మీద పెట్టి తక్కువ మంట పెట్టుకోవాలి. అందులో ఒక స్పూన్ నెయ్యి వేసి జీడిపప్పుని దోరగా వేయించి పక్కకు తీసి పెట్టుకోవాలి. 2. తరవాత రెండు స్పూన్స్ నెయ్యి వేసి బొంబాయి రవ్వను వేసి దోరగా వేయించి పక్కకు పెట్టుకోవాలి.
3. ఇప్పుడు ఒక త గిన్నెలో రెండు కప్పుల నీరు పోసి బుడగలు వచ్చేదాకా బాగా మరగ నివ్వాలి. నీరు మరిగే సమయంలో రెండు కప్పుల పంచదారను వెయ్యాలి.
4. తరవాత పంచదార కరిగిపోయాక, పాలలో ఫుడ్ కలర్ ని కలిపి ఆ పాలను కూడా పంచదార ఉడికే నీళ్ళలో పోయాలి. పాలు పోసాక, పాలు పొంగిపోకుండా సన్నని మంట మీద పెట్టి పొంగు బాగా వచ్చాక వేయించి పెట్టుకొన్న రవ్వను గిన్నెలో పోస్తూ గరిటతో వుండ కట్ట కుండా కలపాలి.
5. తరవాత యాలకుల పొడి, వేయించి పెట్టుకొన్నజీడిపప్పు, ఎండు ద్రాక్ష వేసి కలపాలి. నెయ్యి కూడా వేసి కొంచం దగ్గర పడేదాక సన్నని సెగ పైన కలుపుతూ వుండాలి. అంతే ఘుమ ఘుమ లాడే వేడి వేడి రవ్వ కేసరి బాత్ రెడీ.