కోవా బాదుషా

Snacks

oi-Saraswathi N

By Sindhu

Published: Monday, February 8, 2010, 16:00 [IST]

కావలసి పదార్ధాలు:
కోవా: 1/2 kg
మైదా: 50 grm
పంచదార: 1/2 kg
సోడా: చిటికెడు
యోగర్ట్: 1 cup
యాలకుల పొడి: 1/2 tsp
నెయ్యి: 2 tbsp
ఆయిల్: తగినంత

తయారు చేయు పద్దతి:
1. ఒక బౌల్ లోకి జల్లించిన మైదా, సోడా, రెండు టేబుల్ స్పూన్ల పంచదార వేసి, నెయ్యి మరియు యోగర్ట్, కోవావేసి మెత్తగా చపాతి ముద్ద కంటే మరికొద్ది సాప్ట్ గా కలుపుకోవాలి. అవసరమనుకొంటే కొద్దిగా నీరు జత చేయవచ్చు.
2. ఇలా తయారు చేసిపెట్టుకొన్న ముద్దను ఒక అరగంట సేపు అలాగే నాననివ్వాలి.
3. తర్వాత ఒక మందపాటి గిన్నెలో ఒక కప్పు వేడినీటిలో మిగిలిన పంచదారను వేసి పాకంను సిద్ద చేసుకోవాలి. పంచదార పాకం తయారైయ్యే సమయంలో యాలకల పొడి వేసి కలియబెట్టి స్టౌ ఆఫ్ చేసి ప్రక్కన తీసి పెట్టుకోవాలి.
4. ఇప్పుడు మొదటగా తయారు చేసి పెట్టుకొన్న మైదా ముద్ద నుండి నిమ్మపండు సైజులో కొద్ది కొద్దితా పిండిని తీసుకొని అరచేతిలో పెట్టి నాలుగు వేళ్ళతో వత్తుకోవాలి.
5. స్టౌ వెలిగించి పాన్ పెట్టి అందులో ఆయిల్ వేసి వేడయ్యాక, సిద్ద చేసిపెట్టుకొన్న బాదుషాలను అందులో వేసి తక్కువ మంట మీద దోరగా వేగనివ్వాలి అప్పుడే లోపలి బాగం కూడా బాగా కాలివుంటుంది.
6. ఇలా తయారైన బాదుషాలను పంచదార పాకంలో వేసి బాగా నాననివ్వాలి. కొద్దిసేపు నానినతర్వాత వాటిని పంచదార పకం నుండి వేరు చేసి బాగా చల్లారనివ్వాలి.
7. చల్లారిన బాదుషాలపై(మద్యలో) ఎండిన పంచదార పాకంను వేసి గార్నిష్ గా అలంకరించుకోవాలి. అంతే రుచికరమైన కోవా బాదుషాలు రెడీ.