లోఫ్యాట్ బ్రేక్ ఫాస్ట్: పాలక్ మసాలా కర్రీ రోల్స్‌

Published: Thursday, December 15, 2011, 12:28 [IST]

కావలసిన పదార్థాలు:
పాలకూర: రెండు కట్టలు (ఆకులు)
సేమియా: 2cups (ఉడికించిన)
క్యాప్సికమ్: 3
ఉల్లిపాయలు: 2
పచ్చిమిర్చి: 6
కరివేపాకు: రెండు రెమ్మలు
కొత్తిమీర: 1cup(తరుగు)
మినప్పప్పు: 2tbsp
ఆవాలు: 1tsp
జీలకర్ర: 1tsp
పసుపు: 1tsp
నెయ్యి: 2tbsp
ఉప్పు: రుచికి సరిపడా
నూనె: తగినంత

తయారు చేయు విధానం:
1. ముందుగా వేడినీటిలో పాలకూర ఆకుల్ని వేసి తీసేయాలి.
2. పాన్ లో నూనె వేడయ్యాక ఆవాలు, జీలకర్ర, కరివేపాకు వేసి వేయించాలి. అందులో సన్నగా తరిగిన పచ్చిమిర్చి, క్యాప్సికమ్ ముక్కల్ని వేసి బాగా వేగించాలి.
3. దీనికి ఉల్లిపాయ ముక్కలు, పసుపు చేర్చి మరికాసేపు సన్నని మంటపై ఉంచాలి. చివర్లో ఉప్పు, సేమియా, కొత్తమీర కలిపి పాత్రను దించేయాలి.
4. ఈ మిశ్రమాన్ని పాలకూర ఆకుల్లో ఒక్కో టీస్పూన్ చొప్పున ఉంచి రోల్ చేయాలి.
5. ఫైనల్ గా పాన్ లో నెయ్యి వేడిచేసి చుట్టి ఉంచిన పాలకూర ఆకుల్ని ఉంచి నిమిషంపాటు రెండువైపులా వేయించి తీసేయాలి. అంతే వేడి వేడి పాలక్ మసాలా కర్రీ రోల్స్‌ రెడీ. ఈ పాలక్ మసాలా రోల్స్ చపాతి, అన్నంకి మంచి కాంబినేషన్.