పుదీనా ప్లేవర్ తో కూల్...కూల్ కాఫీ

Published: Tuesday, May 15, 2012, 15:20 [IST]

అచ్చమైన పెరటి ఔషధం పుదీనా, ఆరోగ్యానికి ఎంతగానో మేలు చేసే పుదీనా వేసవితాపంతో వేడెక్కిన శరీరంలో వేడిని తగ్గించి, చల్లదనాన్ని ఇస్తుంది. ఎండాకాలంలో వడదెబ్బ తగలకుండా ఉండాలంటే,మజ్జిగలో పుదీనా ఆకులను కలిపి తాగాలి. కడుపులో వికారంగా అనిపించినప్పుడు పుదీనా వాసనను చూస్తే, వికారం మటుమాయం అవుతుంది. వాంతులతో బాధపడేవారు సైతం పుదీనా పచ్చడి తినటం వల్ల కోలుకుంటారు. గర్భిణీలలో తలెత్తే పలు అనారోగ్య సమస్యలకు పుదీనా పచ్చడి ఔషధంగా పనిచేస్తుంది. ఇన్ని ఔషధ గుణాలున్న పుదీనా ఆకులతో కూల్ గా కాఫీ, టీ కూడా తయారు చేసుకోవచ్చు. ఒక కప్పు పుదీనా చాయ్ తాగితే చాలు, పుదీనా ఆకులు ఇచ్చే సువాసనలు, ఘాటు, రుచి మీలోని బద్ధకాన్నంతా ఒక్కపెట్టున వదిలించేస్తాయి.

కావలసిన పదార్థాలు:
కాఫీ పౌడర్: 2
పంచదార: 4
పుదీనా ఆకులు: 4
ఐస్ క్యూబ్స్: కొన్ని

తయారు చేయు విధానం:
1. ముందుగా ఒక గిన్నెలో ఒక గ్లాసు మంచి నీళ్ళు తీసుకొని, అందులో పంచదార, పుదీనా ఆకులను వేసి నీరు బాగా మరగనివ్వాలి.
2. కొద్ది సేపటి తర్వాత అందులో కాఫీ పౌడర్ వేసి రెండు నిమిషాలైన తర్వాత క్రిందికి దింపుకోవాలి.
3. ఇప్పుడు ఖాచిన పుదీనా వాటర్ చల్లారిన తర్వాత ఒక గ్లాస్ లోనికి వడగట్టుకొని, కొద్దిసేపు ఫ్రిజ్ లో ఉంచుకోవాలి.
4. ఒక గంట తర్వాత బయటకు అందులో తీసి ఐస్ ముక్కలు వేసి, పుదీనా ఆకులు గార్నిష్ చేసి కూల్ కూల్ గా సర్వ్ చేయాలి. అంతే మింట్ ఐస్డ్ కాఫీ రెడీ...