మష్రూమ్(పుట్టగొడుగులు) పెప్పర్ ఫ్రై

Snacks

oi-Saraswathi N

By Sindhu

Published: Friday, May 28, 2010, 15:32 [IST]

కావలసిన పదార్థాలు:
మష్రూమ్స్ (పుట్టగొడుగులు): 3cups
ఉల్లిపాయలు: 2
పచ్చిమిరపకాయలు: 6
మిరియాలు: 1tsp
జిలకర్ర: 1/2 tsp
నూనె: 4tsp
అల్లం వెల్లుల్లి పేస్ట్: 1tsp
పసుపు: 1/2 tsp
నిమ్మరసం: 2 tsp
కొత్తిమీర పొడి: 1tsp
కరివేపాకు పొడి: 1tsp
ఉప్పు: రుచికి సరిపడా

తయారు చేయు విధానం:
1. ముందుగా ఉప్పు కలిపిన వేడి నీటిలో మష్రూమ్స్‌ను అరగంటపాటు నానబెట్టాలి.
2. నూనెను వేడిచేసి ఉల్లిపాయ ముక్కలు, పచ్చిమిర్చి ముక్కలు, అల్లం వెల్లుల్లి పేస్ట్ వేసి మూడు నిమిషాలు వేయించాలి.
3. తరువాత మష్రూమ్స్‌, మిరియాలు పొడి, జిలకర్ర, పసుపు, కొత్తిమీర పొడి, కరివేపాకు పొడి వేయాలి. కొద్దిసేపటి తరువాత ఉప్పు కూడా వేసి బాగా వేయించాలి.
4. అలా పదినిమిషాలు ఉడికిన తరువాత మంట తగ్గించి, నిమ్మరసం వేసి బాగా కలిపి రెండు నిమిషాల తరువాత దించేయాలి. అంతే వేడి వేడి మష్రూమ్స్ పెప్పర్ ఫ్రై రెడీ. దీన్ని రోటీలతో, రైస్ తో కలిపి తింటే అద్భుతంగా ఉంటాయి.