స్పెషల్ ఈవెనింగ్ స్నాక్ పనీర్ పకోడ శాండ్‌విచ్

Published: Friday, October 19, 2012, 17:22 [IST]

సాయంత్ర సమయాల్లో టీ, కాఫీలతో పాటు ఏదైనా సాడ్ విచ్ తినాలనిపిస్తుంటుంది. అయితే ఈ పన్నీర్ పకోడ శాండ్ విచ్ మంచి రుచితోపాటు, ఆరోగ్యానికి ఉపయోగపడే న్యూట్రిషియన్స్ ను అందిస్తుంది. ఇది పిల్లలు పెద్దలు అమితంగా ఇష్టపడి తింటారు. మరియు ఈ శాండ్ విచ్ పిల్లలకు పెదలకూ లచ్ బాంక్స్ లకు అందివ్వొచు, ఉదయం బ్రేక్ ఫాస్ట్, ఈవెనింగ్ స్నాక్ కు కూడా తయారు చేసుకోవచ్చు.

కావలసినపదార్థాల:
పనీర్: 250grms
బంగాళదుంప: 1 లేదా 2
బ్రెడ్ స్లైసులు: 2-3
పచ్చిమిర్చి: 6-8
కొత్తిమీరతరుగు: 2tbps
కారం: 1tsp
పసుపు: చిటికెడు
ఉల్లిపాయలు: 1
ఉప్పు: రుచికి తగినంత
శనగపిండి: 100grms
వాము: చిటికెడు
జీలకర్రపొడి: చిటికెడు
అల్లం వెల్లుల్లి పేస్ట్: 1tsp
నూనె: వేయించడానికి తగినంత

తయారు చేయు విధానం:
1. ముందుగా పనీర్‌ ను సన్నని స్లైసులుగా కట్ చేసుకోవాలి.
2. తర్వాత బ్రెడ్ సైడ్స్ తీసేసి, త్రికోణాకారంలో కట్ చేసి పక్కన పెట్టుకోవాలి.
3. తర్వాత శనగపిండిలో వాము, ఉప్పు, నీరు వేసి జారుగా కలపాలి.
4. అంతలోపు బంగాళదుంపను ఉడికించి, గరిటతో చిదమాలి. చిదిమిన బంగాళాదుంపను ఒక మిక్సింగ్ బౌల్ తీసుకొని అందులో పచ్చిమిర్చి, కారం, పసుపు, జీలకర్రపొడి, ఉల్లిపాయలు, అల్లం వెల్లుల్లిపేస్ట్ వేసి కలపాలి.
5. తర్వాత పాన్ లో నూనె పోసి, వేడయ్యాక బ్రెడ్ స్లైస్‌కు పనీర్ స్లైసులను రెండువైపులా పెట్టి, అదమాలి.
6. తర్వాత బంగాళదుంప మిశ్రమాన్ని కొద్దిగా చేత్తో తీసుకొని, పనీర్ మీదుగా ఉంచి, శనగపిండిలో ముంచి, కాగుతున్న నూనెలో వేసి, రెండువైపులా బంగారు రంగు వచ్చేవరకు వేయించాలి. వీటిని పుదీనా చట్నీతో లేదా టొమాటో సాస్‌ తో సర్వ్ చేయాలి. అంతే పన్నీర్ పకోడా సాడ్విచ్ రెడీ.