స్వీట్ - హాట్ పాపడ్ రోల్స్

కావలసిన పదార్థాలు
అప్పడాలు: 8
బంగాళాదుంపలు: 4
పచ్చిమిర్చి: 4-6
ఉల్లిపాయ: 1
ఉప్పు: రుచికితగినంత
కారం: తగినంత
గరం మసాలా: 1/2tsp
పంచదార: చిటికెడు
శెనగపిండి: 1tsp
నూనె తగినంత

తయారు చేయు విధానం:
1. ముందుగా బంగాళదుంపలను శుభ్రంగా కడిగి మూడు విజల్స్ వచ్చే వరకూ కుక్కర్ లో ఉడికించాలి. చల్లారక పొట్టతీసి చేత్తో మెదపాలి.
2. తర్వాత కొత్తిమీర, పచ్చిమిర్చి, ఉల్లిపాయ తరిగి పెట్టుకోవాలి.
3. ఇప్పుడు గిన్నెలోకి బంగాళాదుంప ముద్ద, కొత్తిమీర, పచ్చిమిర్చి, ఉల్లిపాయ ముక్కలు, కారం, ఉప్పు, గరం మసాలా, పంచదార, నిమ్మరసం చేర్చి బాగా కలపాలి.
4. శెనగపిండిలో కాసిని నీళ్లు పోసి మిశ్రమం కలిపి పెట్టుకోవాలి. ఇప్పుడు అప్పడాల మీద కాసిన్ని నీళ్లు చల్లుకొంటే మెత్తబడతాయి. వాటిలో బంగాళాదుంప మిశ్రమం పెట్టి రోల్ లా చుట్టు శెనగపిండితో మూసేయాలి.
5. ఇప్పుడు పాన్ లో నూనె పోసి వేడిఅయ్యాక చుట్టి ఉంచుకొన్న అప్పడాలను వేయించి పెట్టుకోవాలి. దించాక వాటిని ముక్కలుగా కోసుకొంటే బాగుంటాయి. వీటికి పుదీనా చట్నీ లేదా టమోటో సాస్ తో సర్వ్ చేస్తే మరింత రుచిగా ఉంటాయి.