తెలుగు తియ్యదనం ‘కజ్జికాయ’తో...!!

Published: Thursday, September 1, 2011, 12:52 [IST]

తెలుగు సంస్కృతిలోని తియ్యదనాన్ని ప్రపంచ వ్యాప్తంగా రుచిచూపిస్తున్న వంటకం 'కజ్జికాయ', మధురమైన రుచిని సంతరించుకున్న ఈ వంటకం తెలుగు వారికి మాత్రమే సుపరిచితం కాలేదు. దేశ వ్యాప్తంగా 'కజ్జికాయ' వంటకానికి ఎనలేని ఖ్యాతి . ప్రతి తెలుగింటి పండుగులోనూ ప్రముఖ పాత్ర పోషించే ఈ ఘుమ ఘుమ వంటకం ప్రత్యేక ఆకర్షణగా నిలుస్తుంది. సులువైన విధానం ద్వారా ఈ మైమరిపించే రుచిని మీ సొంతం చేసుకోవచ్చు...

తయారీకి కావల్సిన పదార్థాలు :

మైదా 1 కప్పు,
నెయ్యి 3 టీస్పూన్లు,
కొబ్బరి 1 కప్పు (తరిగినది),
పంచదార 31/4 కప్పు,
పాలు 11/2 కప్పు,
గసగసాలు 1 టేబుల్ స్పూన్,
తరగిన బాదం పొప్పులు,
' చెంచా యాలుకల పొడి,
సాల్ట్ తగినంత,
నూనె

తయారీ విధానం :

- ముందుగా బౌల్ ను తీసుకుని అందులో మైదా, నెయ్యితో పాటు ఉప్పును కలపుకోండి. ఇలా కలుపుకున్న పిండిలో వేడి చేసిన పాలను కలిపి పిండిని రోటీలు తయారుచేసుకునేందుకు అనుకూలంగా సిద్ధం చేసుకోండి.
.
- కజ్జికాయ లోపలి భాగాన్ని నింపుకునేందుకు కొబ్బరి, పంచదార, భాదంపొప్పుల, యాలుకలపొడిని వేయించి ఈ మిశ్రమంలో వేడి పాలను కలుపుకోండి.

- ఇప్పుడు పిండిని రొట్టెల్లా చేసుకుని, ఆ రోట్టె మధ్య భాగంలో కలుపుకుని సిద్ధంగా ఉంచుకున్న కొబ్బరి, పంచదార మిశ్రమాన్ని పెట్టండి, కజ్జికాయ చెక్కలో ఆ రొట్టెను పెట్టి కజ్జికాయ ఆకృతిలోకి మార్చుకోండి.

- రొట్లెలన్నిటిని కజ్జికాయలుగా మార్చుకున్న తరువాత, నూనెను వేడి చేసి బంగారం రంగు వచ్చేంత వరకు వేయించుకోవాలి. వీటిని చల్లారిని తరువాత ఆరగిస్తే , మీ మనసు ఎటో వెళ్లిపోతుంది.