రాముడి కాలం నాటి బ్రేక్ ఫాస్ట్..తింటే 100 ఏళ్లు గ్యారెంటీ,ఎలా చేయాలంటే..

ఈ రోజుల్లో ఏది పడితే అది తిని అనారోగ్యం పాలై హాస్పిటల్స్ లో లక్షల రూపాయలు ఖర్చుపెట్టడం కన్నా తక్కువ ఖర్చులోనే దొరికే పదార్థాలు తిని ఆరోగ్యంగా ఉండటం ఉత్తమం. తక్కువ ఖర్చులో ఎక్కువ ఆరోగ్యాన్ని అందించే ఫుడ్స్ లో బార్లీ జావ ఒకటి. దీనిని ఇంట్లోనే చాలా సులభంగా తక్కువ ఖర్చుతో తయారుచేసుకోవచ్చు. పొద్దున్నే ఇడ్లీ,దోశ,పూరీ,బోండాలు వంటివి తినడం కన్నా ఈ బార్లీ జావ తీసుకుంటే ఆరోగ్యానికి బోలెడంత మేలు జరుగుతుంది.

బార్లీ జావ ఒక సాంప్రదాయక, ఆరోగ్యకరమైన ఆహారం. ఇది బార్లీ గింజలతో తయారు చేయబడుతుంది. తేలికగా జీర్ణమయ్యే ఇది పోషకాలు నిండి ఉంటుంది. రామయణంలో కూడా బార్లీ ప్రస్తావన ఉంది. అంటే అప్పట్లోనే ప్రజలు దీనిని తినేవారని అర్థం చేసుకోవచ్చు. బార్లీ జావను ఉదయం అల్పాహారంగా, మధ్యాహ్న భోజనంగా లేదా తేలికపాటి నైట్ డిన్నర్ గా కూడా తీసుకోవచ్చు. ఇది పిల్లల నుండి పెద్దల వరకు అందరికీ ఫర్ఫెక్ట్. బార్లీ జావ ఇంట్లోనే ఈజీగా తయారుచేసుకోడానికి కావలసిన పదార్థాలు,తయారీ విధానం ఇక్కడ చూడండి.

బార్లీ జావ తయారీకి కావలసిన పదార్థాలు

-బార్లీ గింజలు (పొట్టు తీసినవి) - 1 కప్పు
-నీరు లేదా పాలు - 3-4 కప్పులు
-ఉప్పు - రుచికి తగినంత
-తీపి కోసం - బెల్లం తురుము, చక్కెర, తేనె
-రుచి కోసం (తీపి జావ కోసం) - యాలకుల పొడి, దాల్చిన చెక్క పొడి, డ్రై ఫ్రూట్స్ (బాదం, పిస్తా, కిస్‌మిస్ మొదలైనవి)
-రుచి కోసం (ఉప్పు జావ కోసం) - కూరగాయలు తరుగు (క్యారెట్, బఠానీలు, ఉల్లిపాయలు మొదలైనవి), జీలకర్ర, ఆవాలు, కరివేపాకు, పచ్చిమిర్చి

ఎంత సంపాదిస్తే ఏం లాభం..దహీ తడ్కా శాండ్ విచ్ తినకుంటే జీవితమే వేస్ట్..ఇంట్లోనే నిమిషాల్లో ఎలా చేయాలంటే

బార్లీ జావ తయారీ విధానం

-బార్లీ జావను రెండు రకాలుగా తయారు చేసుకోవచ్చు - తీపి జావ, ఉప్పు జావ రెండింటి తయారీ విధానం ఇక్కడ చూడండి.

-తీపి బార్లీ జావ తయారుచేయడం కోసం ముందుగా బార్లీ గింజలను శుభ్రంగా కడిగి కనీసం 2-3 గంటలు నీటిలో నానబెట్టండి.

-నానబెట్టిన బార్లీని నీటితో సహా ఒక మందపాటి అడుగుగల పాత్రలో వేసి స్టవ్ మీద పెట్టి మంట మీద ఉడికించాలి. నీరు మరుగుతున్నప్పుడు పైకి వచ్చే నురుగును తీసివేయండి.

-బార్లీ మెత్తగా ఉడికి జావ లాగా చిక్కబడే వరకు ఉడికించండి. ఇది సుమారు 20-30 నిమిషాలు పట్టవచ్చు. మధ్య మధ్యలో కలుపుతూ ఉండండి..లేదంటే అడుగంటుకుపోయే అవకాశం ఉంది.

-జావ కావలసినంత చిక్కగా అయిన తర్వాత స్టవ్ ఆఫ్ చేయండి.

-ఇప్పుడు బెల్లం తురుము, చక్కెర లేదా తేనె వేసి బాగా కలపండి. తీపిని మీ రుచికి అనుగుణంగా సర్దుబాటు చేసుకోవచ్చు.

-రుచి కోసం యాలకుల పొడి లేదా దాల్చిన చెక్క పొడి చల్లండి.
చివరగా తరిగిన డ్రై ఫ్రూట్స్ వేసి కలపండి.

-వేడి వేడిగా లేదా గోరువెచ్చగా తీపి బార్లీ జావను తీసుకోవచ్చు.

వంకాయ ఎండు నెత్తళ్ల కూర ఎప్పుడైనా తిన్నారా? అబ్బబ్బా ఏం టేస్ట్ గురూ..వాసనకే కడుపు నిండిపోతది,ఎలా చేయాలంటే

ఉప్పు బార్లీ జావ తయారీ విధానం

-బార్లీ గింజలను శుభ్రంగా కడిగి కనీసం 2-3 గంటలు నీటిలో నానబెట్టండి.

-నానబెట్టిన బార్లీని నీటితో సహా ఒక మందపాటి అడుగుగల పాత్రలో వేయండి.

-మీకు నచ్చిన కూరగాయల తరుగు..క్యారెట్, బఠానీలు, ఉల్లిపాయలు మొదలైనవి వేయండి.

-అందులోనే రుచికి తగినంత ఉప్పు వేసి కలపి స్టవ్ మీద పెట్టి ఉడికించాలి. నీరు మరుగుతున్నప్పుడు పైకి వచ్చే నురుగును తీసివేయండి.

-బార్లీ, కూరగాయలు మెత్తగా ఉడికి జావ లాగా చిక్కబడే వరకు ఉడికించండి. ఇందుకు సుమారు 20-30 నిమిషాలు పట్టవచ్చు. మధ్య మధ్యలో కలుపుతూ ఉండండి.

-జావ ఉడుకుతున్న సమయంలో ఒక చిన్న బాండీలో కొద్దిగా నూనె వేడి చేయండి.

-నూనె వేడెక్కిన తర్వాత ఆవాలు, జీలకర్ర వేసి చిటపటలాడనివ్వండి.

-తర్వాత కరివేపాకు, పచ్చిమిర్చి వేసి ఒక నిమిషం వేయించి దీనిని జావలో వేసి బాగా కలపండి. కావాలంటే కొత్తిమీర తరుగుతో గార్నిష్ చేసుకోవచ్చు. అంతే ఉప్పు బార్లీ జావ రెడీ.