పండ‌గ‌వేళ ప‌ది నిమిషాల్లో టేస్టీ ర‌వ్వ‌కేస‌రి రెసిపీ

పండ‌గ వ‌చ్చిందంటే.. ప్ర‌తి ఇంట్లో స్వీట్స్ నోరూరిస్తాయి. అయితే అంద‌రికీ స్వీట్స్ చేయ‌డానికి తీరిక‌, ఓపిక ఉండ‌క‌పోవ‌చ్చు. కానీ.. దేవుడికి నైవేద్యం పెట్ట‌డానికి, ఇంటిల్లిపాది టేస్టీగా తిన‌డానికి ఏదో ఒక స్వీట్ చేయ‌క‌త‌ప్ప‌దు. అలాగే పిల్ల‌లు, పెద్ద‌లు ఇష్టంగా తినే స్వీట్ చేస్తే బావుటుంది. కాబ‌ట్టి.. ఈజీగా, టేస్టీగా త‌యారు చేయాలి అనుకున్న‌ప్పుడు ర‌వ్వ కేస‌రి ప‌ర్ఫెక్ట్ ఛాయిస్.

కావాల్సిన ప‌దార్థాలు
ఉప్మా ర‌వ్వ లేదా బొంబాయి ర‌వ్వ - 1క‌ప్పు
పంచ‌దార - 2 క‌ప్పులు
నెయ్యి - నాలుగు టేబుల్ స్పూన్లు
యాల‌కుల పొడి - అర స్పూన్
జీడిప‌ప్పు - 10
కిస్మిస్ - 10
నీళ్లు - 4 క‌ప్పులు

త‌యారు చేసే విధానం
ముందుగా నెయ్యి పాన్ వేసి.. వేడ‌య్యాక డ్రై ఫ్రూట్స్ వేయించి ప‌క్క‌న పెట్టుకోవాలి. అదే పాన్‌లో ర‌వ్వ‌ను కాస్త వేయించుకోవాలి. మ‌రొక గిన్నె తీసుకుని నీళ్లు మ‌ర‌గ‌బెట్టాలి. నీళ్లు ఉడుకుప‌ట్టాక ర‌వ్వ వేసి.. బాగా క‌ల‌పాలి. లేదంటే ఉండ‌లు క‌డుతుంది. ర‌వ్వ కాస్త మెత్త‌బ‌డిన త‌ర్వాత పంచ‌దార క‌ల‌పాలి. చిక్క‌గా వ‌చ్చే వ‌ర‌కు ఉడికించాలి. ర‌వ్వ ద‌గ్గ‌ర‌కు వ‌చ్చిన త‌ర్వాత‌.. నెయ్యి, కేస‌రి క‌ల‌ర్, డ్రై ఫ్రూట్స్ క‌లపాలి. ఇప్పుడు యాల‌కుల పొడి క‌లిపి.. వేడి వేడి ఆర‌గించండి.