క్యాప్సికమ్-బటర్ దోసె

Veg

oi-Saraswathi

By Sindhu

Published: Monday, January 2, 2012, 14:19 [IST]

కావలసిన పదార్థాలు:
బియ్యం: 2cups
మినపప్పు: 1cup
కందిపప్పు: 1tsp
మెంతి: 1/4tsp
శనగపప్పు: 1/2cup
క్యాప్సికమ్: 2(మీడియం సైజ్)
టొమాటో: 2(మీడియం సైజ్)
జీరాపొడి: 2tsp
ధనియాల పొడి: 2tsp
మిర్చిపొడి: 2tsp
ఉల్లిపాయలు: 3
పచ్చిమిర్చి: 6
కరివేపాకు: రెండు రెమ్మలు
ఎండుమిర్చి: 4
వెన్న, ఉప్పు: రుచికి సరిపడా
నూనె: తగినంత

తయారు చేయు విధానము:
1. బియ్యం, మినపప్పు, శనగపప్పు, కందిపప్పు, మెంతి శుభ్రంగా కడిగి కనీసం ఆరు గంటల సేపు నానబెట్టి గ్రైండ్ చేయాలి.
2. ఈ మిశ్రమానికి ఉప్పు కలిపి రాత్రంతా అలాగే ఉంచితే ఉదయానికి పిండి గుల్లగా పొంగుతుంది.
3. ఇప్పుడు క్యాప్సికమ్ దోసెకు కావలసింది ముందుగా ఉల్లిపాయ ముక్కలు, కరివేపాకు, పచ్చిమిర్చి ముక్కలను ఒకగిన్నెలో వేసి కొద్దిగా నీరు పోసి ఉడికించాలి.
4. తర్వాత ఆ మిశ్రమాన్ని నూనెలో వేసి వేగాక క్యాప్సికమ్, టొమాటో ముక్కలను కూడా వేసి ఉడికించాలి.
5. చివరగా జీరాపొడి, ధనియాలపొడి, మిర్చిపొడి వేసి బాగా కలిపి దించేయాలి. దోసెను వేసి, దాని చుట్టూ అంచులకు ఎరక్రారాన్ని (ఎండుమిర్చి, తగినంత ఉప్పు, నీరు పోసి గ్రైండ్ చేయాలి) రాసి, మధ్యలో క్యాప్సికమ్ కూరను వేసి, దానిపై వెన్నను పూయాలి. అంతే క్యాప్సికమ్ బటర్ దోసె రెడీ..