రైస్ కి సైడ్ డిష్ దొండకాయ వేపుడు

Veg

oi-Saraswathi N

By Sindhu

Published: Friday, October 1, 2010, 15:18 [IST]

కావలసిన పదార్థాలు:
లేత దొండకాయలు: 1/2kg
ఉల్లిపాయలు: 2
జీలకర్ర: 1/2tsp
పసుపు: 1/2tsp
కారం: 2tsp
ఉప్పు: రుచికి తగినంత
గరం మసాలా: 1/2tsp
కరివేపాకు: రెండు రెబ్బలు
కొత్తిమిర: రెండు స్పూన్లు (సన్నగా తరిగినది)
నూనె: తగినంత

తయారు చేయు విధానం:
1. ముందుగా దొండకాయలను శుభ్రంగా కడిగి, ఆరిపోయాక సన్నగా చక్రాలుగా తరిగి పెట్టుకోవాలి.
2. వెడల్పాటి పాన్ లో నూనె వేసి వేడి చేయాలి తర్వాత ఈ ముక్కలు, కరివేపాకు వేసి మృదువుగా మెత్తబడి, ఎర్రగా అయ్యేవరకు వేయించాలి.
3. మధ్య , మధ్యలో కలుపుతూ ఉండాలి. ఇప్పుడు జీలకర్ర వేసి చిటపటలాడక ఉల్లిపాయ ముక్కలు వేసి వేయించాలి.
4. తర్వాత పసుపు, కారం, ఉప్పు, వేసి బాగా కలపాలి. మొత్తం బాగా వేగాక గరం మసాలా, కొత్తిమిర వేసి కలిపి దింపేయాలి. అంతే దొండకాయ వేపుడు అన్నంలోకి, చపాతీలలోకి చాలా రుచిగా బావుంటుంది.