గోధుమ రవ్వ పులిహోర

తయారు చేయు విధానం:
1. ముందుగా పచ్చిమిర్చిని మంచినీళ్ళలో వేసి కడిగి, పక్కకు తీసి తడి ఆరిన తర్వాత రెండు దబ్బలుగా కట్ చేసి పెట్టుకోవాలి.
2. తర్వాత నిమ్మకాయను సగానికి కట్ చేసి జ్యూసి తీసి పెట్టుకోవాలి.
3. ఇప్పుడు చిన్న బౌల్ తీసుకొని అందులో కొద్దిగా ఒక కప్పు నీళ్ళు పోసి, నీరు బాగా మరిగే సమయంలో గోధుమ రవ్వ, కొద్దిగా ఉప్పు వేసి, మూత పెట్టి ఐదునిమిషాల పాటు పొడి పొడిగా ఉడికించి పెట్టుకోవాలి.
4. తర్వాత పాన్ పెట్టి అందులో కొద్దిగా నూనె వేసి, నూనె కాగిన తర్వాత అందులో వేరుశెనగపప్పు(పల్లీలు) దోరగా వేయించుకొని పక్కకు తీసి పెట్టుకోవాలి.
5. ఇప్పుడు అదే పాన్ లో మరికొద్దిగా ఆయిల్ వేసి అందులో తాలింపుకు సిద్దం చేసుకొన్న పదార్థాలన్నింటిని ఒక దానికి తర్వాత ఒకటి వేసి దోరగా వేయించుకోవాలి.
6. తాలింపు వేగిన తర్వాత అందులో పచ్చిమిర్చి వేసి మరో రెండు నిమిషాలు వేయించి, తర్వాత వేయించి పెట్టుకొన్న వేరుశనగపప్పు, పసుపు, వేసి ఒక నిమిషం తర్వాత మిక్సింగ్ బౌల్ లోనికి వంచుకోవాలి.
7. ఇప్పుడు మిక్సింగ్ బౌల్ లో పోపుతో పాటు ముందుగా ఉడికించి పెట్టుకొన్న గోధుమ రవ్వను కూడా వేసి దాని మీద నిమ్మరసంను కూడా వేసి అన్నీ కలిసిపోయేలా బాగా కలపుకోవాలి. రుచిని బట్టి ఉప్పును మధ్యలో కలుపుకోవచ్చు. అంతే గోధుమ రవ్వ పులిహోర రెడీ. దీన్ని ఏదేని ఉరగాయతో లేదో పెరుగుతో తింటే చాలా రుచిగా ఉంటుంది.