మసాల క్యాప్సికం కర్రీ

కావలసిన పదార్థాలు:
క్యాప్సికం: 3-4
ఉల్లిపాయలు: 2
పచ్చిమిర్చి: 4-6
టమోటో: 2
కారం: 1 tbsp
ధనియాలు: 1tbsp
నువ్వులు: 1/4cup
వేరుశెనగుళ్ళు: 1/2 cup
కొబ్బరి తురుము: 1/2cup
ఆవాలు : 1tsp
మెంతులు: చిటికెడు
చింతపండు: నిమ్మకాయంత
ఉప్పు: రుచికి తగినంత
నూనె: వేయించడానికి సరిపడా
కొత్తిమీర: కొద్దిగా

తయారు చేయు విధానం:
1. మొదటగా పాన్ లో ధనియాలు, వేరుశెనగలు, నువ్వులు, కొబ్బరి వేసి వేయించి తీసి పక్కన తీసి పెట్టుకోవాలి.
2. తర్వాత కొద్దిగా చల్లారాక వీటన్నింటినీ మిక్సర్ లో వేసి గ్రైండ్ చేసుకోవాలి. అవసరం అయితే కొద్దిగా నీళ్ళు పోసి గ్రైండ్ చేసి పెట్టుకోవాలి.
3. ఇప్పుడు స్టౌ పై పాన్ పెట్టి అందులో తగినంత నూనె వేసి అందులో ఆవాలు, మెంతులు వేయించాలి. అవి వేగిన తర్వాత ఇప్పుడు ఉల్లిపాయ ముక్కలు, పచ్చిమిర్చి వేసి వేయించాలి.
4. తర్వాత అందులో క్యాప్సికం ముక్కలు వేసుకొని వేయించాలి. క్యాప్సికం ముక్కలు కొద్దిగా వేగిన తర్వాత అందులో గ్రైండ్ చేసి పెట్టుకున్నవేరుశెనగ మసాల పేస్ట్ ను వేసి మరో ఐదు నిమిషాల పాటు వేయించుకొవాలి.
5. అవి వేగుతూ ఉన్నట్లే అందులో టమోటోముక్కలు, కారం, ఉప్పు వేసి వేయించాలి. కొద్దిసేపటి తర్వాత నానబెట్టి పెట్టుకొన్నచింతపండు గుజ్జు కొంచెం అందులో వేసి, అది కొంచెం గట్టి పడేవరకు వుంచాలి. అలా కొంచెం గట్టిపడిన తర్వాత స్టౌ మీద నుంచి దించేముందు కొత్తిమిర వేయ్యాలి.