మిక్డ్స్ వెజిటబుల్ కుర్మా

క్యారట్: 2
బంగాళదుంపలు: 3
బీన్స్ తరుగు: 1/2cup
పచ్చిబఠాణీ: 1/2cup
క్యాలీఫ్లవర్ తరుగు: 1/4cup
పచ్చికొబ్బరి తుమురు: 1/2cup
కారం: 2tsp
జీడిపప్పు: 8-10
ఏలకులు: 2
లవంగాలు: 4
ఉల్లిపాయలు: 3
జీరా పొడి: 1tsp
గసగసాలు: 1tsp
పసుపు : చిటికెడు
నూనె: కావలసినంత
ధనియాలపొడి: 2tsp
ఉప్పు : రుచికి తగినంత
అల్లం వెల్లుల్లి పేస్ట్: 2tsp
కొత్తిమీర తరుగు: 1/2cup
కరివేపాకు: రెండు రెమ్మలు
దాల్చినచెక్క: చిన్న ముక్క
పచ్చిమిర్చి తరుగు: 2tbsp
టొమాటో తరుగు : పావుకప్పు

తయారు చేయు విధానం:

1. పచ్చికొబ్బరి తురుము, గసగసాలు, జీడిపప్పులను మిక్సీలో వేసి మెత్తగా పేస్ట్ చేసి పక్కన పెట్టుకోవాలి.
2. అన్ని రకాల కూరగాయముక్కలను ఉడికించి పక్కన పెట్టుకోవాలి.
3. తర్వాత పాన్ లో నూనె వేడి చేసి, అందులో ఉల్లితరుగు, పచ్చిమిర్చి తరుగు, మసాలా దినుసులు కరివేపాకు, పసుపు, అల్లం వెల్లుల్లి పేస్ట్, జీరాపొడి, మిరప్పొడి, ధనియాలపొడి వేసి కొద్దిగా వేగాక, ముందుగా పేస్ట్ చేసి ఉంచుకున్న పచ్చికొబ్బరి మిశ్రమాన్ని వేసి నూనె తేలేవరకు వేయించాలి.
4. ఇప్పుడు కొద్దిగా నీరు, టొమాటో ముక్కలు వేసి బాగా కలపాలి. ఆ తరవాత ఉడికించుకున్న కూరగాయముక్కలు, ఉప్పు, గరంమసాలా వేసి గ్రేవీ చిక్కబడే వరకు ఉడికించి దించేసుకోవాలి. చివరగా కొత్తిమీర తరుగుతో గార్నిష్ చేసి వేడివేడిగా సర్వ్ చేయాలి.