పాలక్ దోస

పాలకూర - 1 కట్ట
బియ్యం - 1 కప్పు
కందిపప్పు - 1 కప్పు
పచ్చి శెనగపప్పు - 1 కప్పు
పెసరపప్పు - 1 కప్పు
పచ్చిమిరప - 4
ఉల్లిపాయాలు - 2
జిలకర్ర - 11/2 tsp
క్యారెట్ - 2
ఉప్పు - రుచికి సరిపడా
నూనె - కావలసినంత

తయారు చేయు పద్దతి:

మొదట బియ్యం, కందిపప్పు, పెసరపప్పు, పచ్చి శెనగపప్పు అన్ని కలిపి ఒకపాత్రలో వేసి అందులో నీరు పోసి శుభ్రంగా కడిగి ఒక గంట సమయం నానబెట్టాలి. తర్వాత నీటి నుండి వేరు చేసి గ్రైడ్ చేసి దోస పిండిలా కలిపి పెట్టుకోవాలి తర్వాత పాలకూర ను విడిపించి ఒక గిన్నేలో నీరు పోసి మరిగిన తర్వతా శుభ్రం చేసి పెట్టుకొన్న పాలాకును అందులో వేసి 5 నిమిషాలు ఉడికిన తర్వాత తీసి గ్రైడ్ చేసి ఆ పేస్ట్ ను, కొద్దిగా ఉప్పు, జిలకర్ర జతచేసి బియ్యంపు పిండి పేస్ట్ లో కలిపి పక్కన పెట్టుకోవాలి. తర్వాత పచ్చిమిరప, ఉల్లిపాయలు చిన్న చిన్న ముక్కలుగా కట్ చేసి పెట్టుకోవాలి. క్యారెట్ ను తురిమి పెట్టుకోవాలి. ఇప్పుడు స్టౌ వెలిగించి పాన్ పెట్టి పాన్ బాగా వేడెక్కిన తర్వాత నూనె రాయాలి. గరిటతో దోసపిండి తీసుకొని పాన్ మీద దోసలా వేసి వెంటనే దాని మీద కట్ చేసి పెట్టుకొన్న పచ్చిమిర్చి, ఉల్లిపాయలు, క్యారెట్ తురుము వేసి మరి కొద్ది నూనె చల్లి మీడియం మంట మీద కాలనివ్వాలి అంతే వేడి వేడి పాలక్ దోస రెడీ. పాలక్ దోసను ప్లేట్ లో తీసుకొని టమాటో చట్నీతో వడ్డిస్తే చాలా రుచిగా వుంటుంది.