పన్నీర్ బుర్జి: డిన్నర్ స్పెషల్

వంటల్లో పనీర్ వంటలు చాలా టేస్ట్ గా నోరూరిస్తుంటాయి. ముఖ్యంగా ఇండియాలో నార్త్ స్టేట్స్ లో ఎక్కువగా వండుతారు. పనీర్ ను వివిధ రకాలుగా డిఫరెంట్ స్టైల్స్ లో వండుతారు. అందులో ఒకటి పనీర్ బుర్జీ.

పన్నీర్ బుర్జీ తయారుచేయడం చాలా సులభం. ఈ పనీర్ బుర్జీ, బ్రెడ్ మరియు పరాటా రెండికీ ఒక చక్కటి కాంబినేషన్. ఇండియాలో సౌత్ స్టేట్స్ లో పన్నీర్ బుర్జ్ ను దోసలో స్టఫ్ చేసి పనీర్ దోసను తయారుచేస్తారు. మరి ఈ నోరూరించే పనీర్ బుర్జ్ ను మీరు రుచి చూడాలంటే, క్రింది తయారుచేసే పద్దతిని తెలుసుకోవాల్సిందే...

తయారుచేయు విధానం:
1. ముందుగా ఒక ఫ్రైయింగ్ పాన్ స్టౌ మీద పెట్టి, అందులో నూనె వేసి, వేడయ్యాక అందులో ఉల్లిపాయ ముక్కలు వేసి బ్రౌన్ కలర్ వచ్చే వరకూ వేయించుకోవాలి.
2. తర్వాత అందులో పచ్చిమిర్చి ముక్కలు కూడా వేసి వేయించుకోవాలి.
3. ఇప్పుడు అలాగే అందులో జీలకర్ర, పసుపు, కారం, ధనియాలా పొడి వేసి మొత్తం మిశ్రమాన్ని బాగా వేయించుకోవాలి.
4. ఇవన్నీ బాగా నూనెలో వేయించుకొన్న తర్వాత, అందులో టమోటో ముక్కలు వేయాలి వేయించుకోవాలి.
5. 5నిముషాల తర్వాత గుజ్జులా చేసుకొన్న పనీర్ ను అందులో వేసి బాగా మిక్స్ చేస్తూ వేయించుకోవాలి.
6. కొద్దిసేపు వేయించిన తర్వాత పాన్ కు మూత పెట్టి మరో 10 నిముషాలు వేయించుకోవాలి.
7. మద్యలో ఒక సారి మూత తీసి, గరం మసాలా మరియు ఉప్పును చిలకరించి మరోసారి మిశ్రమాన్నంతా మిక్స్ చేయాలి. అంతే పనీర్ బుర్జీ రెడీ.