పావ్ భాజీ స్పెషల్

Veg

oi-Saraswathi N

By Sindhu

Published: Wednesday, October 13, 2010, 12:50 [IST]

కావాలసిన పదార్ధాలు:
బంగాళాదుంపలు : 4
టమోటాలు : 4
ఉల్లిపాయలు : 2
పచ్చ బఠానీ : 1/4cup
కాలీఫ్లవర్ : కొద్దిగా
పచ్చిమిర్చి : 3
కొత్తిమీర : ఒక కట్ట
అల్లం : కొద్దిగా
వెల్లుల్లి : 6 రెబ్బలు
క్యాప్సికం : 1
నిమ్మకాయ: 1
ఉప్పు : రుచికి సరిపడా
పెరుగు : 3tsp
బావ్ బాజీ మసాలా : 2tsp
పావ్ (బన్)
నూనె
తయారు చేయు విధానం:

1. ముందుగా బంగాళాదుంపలను, ఉడికించి, తొక్కతీసి, చిన్నగా చితిమి పక్కన పెట్టుకోవాలి. టమాటాలను సన్నగా తరిగి వుంచాలి. 2. తర్వాత పచ్చిబఠానీని కొంచెం నీళ్లలో వేసి మెత్తగా ఉడికించి పక్కన వుంచాలి. కాలీఫ్లవర్‌ ను పువ్వుల కింద విడదీసి, కాడలు కట్‌ చేసి వుంచాలి. కాప్సికమ్‌ ను కూడా ముక్కలు చేసి వుంచాలి.
3. ఇప్పుడు పచ్చిమిర్చి ముక్కలు, కొత్తిమీర, అల్లం, వెల్లుల్లి, కలిపి గ్రైండ్ చేయాలి.
4. పాన్‌ లో కాస్త నూనె వేసి సన్నగా తరిగిన ఉల్లిపాయ ముక్కలను వేసి, దోరగా వేయించాలి. దానికి పచ్చిమిర్చి, అల్లం వెల్లుల్లి పేస్ట్‌ ను జతచేసి మరి కొద్దిసేపు కలియపెట్టాలి.
5. ఆపై టమాటా ముక్కలు జోడించి, రెండు మూడు నిమషాలు ఉడకనివ్వాలి. అవసరమైతే నీళ్లు చిలకరించవచ్చు. ఇప్పుడు కాప్సికమ్, కాలీఫ్లవర్, పచ్చిబఠానీ, బంగాళాదుంపల ముక్కలు జోడించి, అరకప్పు నీళ్లు వేసి సన్నటి సెగపై పదినిమిషాల పాటు ఉడకనివ్వాలి.
6. ఆపై చిన్న గరిటెను వెనుకకు తిప్పి, దాని సాయంతో కూరగాయముక్కలన్నీ చితికేలా చేయాలి. తగినంత ఉప్పు, పావ్‌ బాజీ మసాలా జోడించి, మూతపెట్టి, సన్నటి సెగపై మరికొద్దిసేపు ఉడికించాలి. కొద్దిగా బటర్ వేసి దింపి పక్కన వుంచాలి.
7. ఫైనల్ గా పెనంపై కాస్త బటర్, చిటికెడు ఉప్పుకలిపిన కారం వేసి, పావ్‌ బన్‌ ను మధ్యకు కోసి, కాల్చాలి. ముందుగా తయారైన కూరపై కాస్త కొత్తిమీర జల్లి, నిమ్మకాయ రసం పిండి, పావ్‌ బన్‌ తో జోడించి వడ్డించాలి. అంతే పావ్ బాజీ రెడీ.