హెల్తీ అండ్ టేస్టీ పాలక్ చపాతీ

రైస్, దాల్ లేదా రోటీ? మీకు ఇష్టమైన వంట ఏంటి? ఎప్పుడూ ఒకే భోజనం తిని బోర్ కొడుతున్నదా. అలా బోరుకొట్టకుండా ఉండాలంటే కొన్ని ఒక కొత్త రుచిని చూడాల్సిందే. మైండ్ ను రిఫ్రెష్ చేయాల్సిందే..నాలుకకు కొత్త రుచి చూపించాల్సిందే . అలాంటి సింపుల్ రిసిపి టేస్టీ అండ్ హెల్తీ రిసిపి పాలక్ చపాతి.

పాలకూర, మరియు గోధుమ పిండి కాంభినేషన్ లో తయారుచేసే చపాతీ రిసిపి చాలా టేస్ట్ గా ఉంటుంది. ఈ రెండింటి కాంబినేషన్ లో అనేక ఆరోగ్య ప్రయోజనాలు దాగున్నాయి . మరియు దీనికి పాలకూరను మిక్స్ చేసినప్పుడు రుచి పెరగడంతో పాటు శరీరానికి కూడా చాలా ఆరోగ్యం. మరి ఇంతటి ఆరోగ్యకరమైన ఒక హెల్తీ వంట పాలక్ చపాతీ మీకోసం పరిచయం చేస్తున్నాము. దీన్ని ఎలా తయారుచేయాలో తెలుసుకుందాం...

పాలకూర: 200grm
గోధుమపిండి: 2 cups
వెల్లుల్లి రెబ్బలు: 3-4
పచ్చిమిర్చి: 5-10
ఉప్పు: రుచికి సరిపడా

తయారుచేయు విధానం:
1. ముందుగా కొన్ని పాలకూరను శుభ్రంగా కడిగి , కొద్దిగా ఉప్పు చిలకరించి బాయిల్ చేయాలి. ఆకుకూర మెత్తగా అయ్యే వరకూ ఉడికించుకోవాలి.
2. 10 నిముషాల ఉడికించుకొన్న తర్వాత, మూత తీసి ఎక్సెస్ వాటర్ ను తొలగించాలి .ఆకు కూర చల్లగా మారిన తర్వాత మిక్సీ జార్ లో వేసి మెత్తగా పేస్ట్ చేసుకోవాలి.
3. పాలకూరతో పాటు అల్లం మరియు పచ్చిమిర్చి కూడా వేసి నీళ్లు పోయకుండా పేస్ట్ చేయాలి .
4. ఇప్పుడు బౌల్ తీసుకొని, గోధుమపిండి, ఉప్పు వేసి మిక్స్ చేసి పిండిని మెత్తగా కలుపుకోవాలి.
5. తర్వాత పిండిలోనే ముందుగా పేస్ట్ చేసి పెట్టుకొన్న ఆకుకూరను కూడా వేసి మొత్తం పిండిని చపాతిల పిండిలా కలుపోవాలి. నీరు సరిపోయంత మాత్రమే వేసి కలుపుకోవాలి.10నిముషాలు పక్కన పెట్టాలి.
6. 10 నిముషాల తర్వాత పిండి నుండి కొద్ది కొద్దిగా పిండిని తీసుకొని చపాతీల్లా రోల్ చేసుకోవాలి.
7. ఇలా అన్ని చపాతీలను చేసుకొన్న తర్వాత స్టౌ మీద పాన్ పెట్టి చపాతీలను ఒక్కొక్కటి వేసి రెండు వైపులా బాగా కాల్చాలి.అంతే పాలక్ చపాతీ రెడీ.
8. ఈ చపాతీలను సర్వింగ్ ప్లేట్ లోకి మార్చుకొని మీకు నచ్చిన రైతాతో సర్వ్ చేయాలి.