స్పైసీ టమోటో - ఉల్లిపాయ సబ్జీ

టమోటో మరియు క్రిస్పీ ఉల్లిపాయల సబ్బీ ఎప్పుడూ మన భోజనంలో నోరూరిస్తుంటుంది . ఈ రెండు ఆహారపదార్థాలను ఉపయోగించి వంటలు తయారుచేయడం చాలా ఎక్కువ. ఇది రుచికరమైన ఒక సైడ్ డిష్ రిసిపి. ఉదాహరణకు ఇండియన్ సైడ్ డిష్ లలో టమోటో, ఉల్లిపాయ చట్నీ చాలా ఫేమస్. స్పైసీ సాండ్విచ్ లేదా రోటీలకు చాలా బెస్ట్ కాంబినేషన్.

అదే విధంగా ఈ రెండు ప్రధాన పదార్థాలను ఉపయోగించి వివిధ రకాల వంటలు కూడా తయారుచేస్తారు. ఉదా: టమోటో ఆనియన్ రసం, టమోటో ఆనియన్ సబ్జీ. ఈ టమోటో ఆనియన్ సబ్జీ చాలా సింపుల్ గా మరియు టేస్టీటా ఉంటుంది. పది నిముషాల్లో దీన్ని తయారుచేయవచ్చు. మీరు కూడా టేస్ట్ చేయాలంటే, ట్రై చేయండి...

తయారుచేయు విధానం:
1. ముందుగా స్టౌ మీద పాన్ పెట్టి, నూనె వేసి వేడయ్యాక అందులో జీలకర్ర, వాలు వేసి చిటపటలాడనివ్వాలి.
2. ఇవి వేగిన తర్వాత అందులో ఉల్లిపాయ ముక్కలు వేసి మీడియం మంట మీద 3-4నిముషాలు వేగించుకవోాలి.
3. ఉల్లిపాయ ముక్కలు వేగుతుండగా , అందులో పసుపు కూడా వేసి బాగా మిక్స్ చేస్తూ వేగించుకోవాలి. ఉల్లిపాయ వేగిన తర్వాత అందులో టమోటో ముక్కలు మరియు పచ్చిమిర్చి, ఉప్పు వేసి ఫ్రైచేసుకోవాలి.
4. అన్నింటిని బాగా మిక్స్ చేస్తూ ఫ్రై చేసుకోవాలి. టమోటో మెత్తబడేవరకూ ఉడికించాలి. స్పూన్ తోనే కొంతం ప్రెస్ చేస్తూ కలియబెట్టడం వల్ల టమోటో మెత్తగా గుజ్జులా తయారవుతుంది.
5. తర్వాత అందులో కారం, ధనియాల పొడి వేసి మరో నిముషం మిక్స్ చేసి ఉడికించుకోవాలి. అంతే స్పైసీ టమోటో ఆనియన్ సబ్జీ రెడీ. దీన్ని రోటీలకు సైడ్ డిష్ గా సర్వ్ చేయవచ్చు.