అయోధ్య బాలరాముడిపై సూర్య తిలకం.. కిరణాలు నుదుటిపై పడేందుకు ఏమి చేసారంటే..!

శ్రీరామ నవమి సందర్భంగా అయోధ్యలో బాలరాముడి నుదుటిపై సూర్య తిలకం ప్రత్యేక ఆకర్షణగా నిలిచింది. అయోధ్యలో రామమందిరం తెరచినప్పటి నుంచి మొదటి సారి ఈ సూర్యతిలకంతో బాలరాముడు దర్శనమిచ్చాడు. సూర్య కిరణాలు బాలరాముడి నుదిటిపై వచ్చే విధంగా శాస్త్రీయంగా అద్దాలతో అమర్చారు.

సూర్య తిలకం

ఈ రోజు శ్రీరామనవమి సందర్భంగా మద్యహ్నం 12గంటల నుంచి 12.30 గంటల మధ్య ఐదు నిమిషాలపాటు ఈ సూర్యతిలకం వచ్చే విధంగా ఏర్పాాటు చేశారు. వేలమంది భక్తులు సూర్యతిలకం ధరించిన బాలరాముడిని అయోధ్యలో దర్శించుకున్నారు.

500 ఏళ్ల తరువాత మళ్లీ శ్రీరాముడు అయోధ్యలో దర్శనమిచ్చాడు. ఇది మొదటి శ్రీరామనవమి కావడంతో వేడుకలు చాలా ఘనంగా జరిగాయ్.

ప్రత్యేక లెన్సులు

ఈ సూర్యతిలకం రాముడి నుదుటిపై వచ్చేలా చేయడానికి నాలుగు అద్దాలను, నాలుగు లెన్సులను ఉపయోగంచారని ప్రముఖ శాస్త్రవేత్త డాక్టర్ రామచర్ల తెలిపారు. ప్రతీ శ్రీరామనవమికి ఈ సూర్యతిలకంతో ఉన్న బాలరాముడిని దర్శించవచ్చంటున్నారు.

ఏర్పాటులో నాన్యత

ఈ లెన్సులను, అద్దాలను నాన్యత కలిగిన ఇత్తడితో తయారు చేసిన పైపుల ద్వారా అమర్చారు. ఇలాంటి సూర్యతిలకం దర్శనం కొన్ని జైన దేవాలయాల్లో చూడవచ్చు. కొందరు ప్రముఖ శాస్త్రవేత్తలు కలిసి ఈ సూర్యతిలకం పడేలా చేయడానికి కృషి చేశారు.

సూర్య కిరణాల వల్ల బాలరాముడి విగ్రహానికి ఎలాంటి హాని కలగకుండా జాగ్రత్తలు తీసుకున్నట్లు తెలుస్తోంది. సూర్య తిలకం కోసం పదిమంది శాస్త్రవేత్తలు కలిసి పనిచేశారు. నుదుటిపై పడ్డ సూర్యకిరణం వెడల్పు 5.8 సెంటిమీటర్లు.