ఉసిరికాయ: జుట్టు రాలడం తగ్గిస్తుంది..జుట్టు పెరుగుదలను ప్రోత్సహిస్తుంది

ఆమ్లా జ్యూస్ అండ్ ఎగ్ ప్యాక్:

మూడు ఉసిరికాయలను తీసుకొని వాటని కట్ చేసి జ్యూసర్ లో వేసి జ్యూస్ చేయాలి. ఈ జ్యూస్ ను ఒక గిన్నెలోకి తీసుకొని అందులో గుడ్డు వేసి బాగా మిక్స్ చేసి, ఈ మిశ్రమాన్ని తలకు, కేశాలకు పొడవునా అప్లై చేయాలి. 20 నిముషాల తర్వాత చల్లటి నీటితో శుభ్రం చేసుకోవాలి.

ఆమ్లా పౌడర్ ను ఎలా తయారుచేయాలి:

ఫ్రెష్ గా ఉండే ఆమ్లాను చిన్న ముక్కలుగా కట్ చేసి వాటిని ఎండలో ఎండబెట్టుకోవాలి. బాగా ఎండిన తర్వాత వాటిని మిక్సీలో వేసి మెత్తగా పౌడర్ చేసుకోవాలి. ఇప్పుడు ఈ ఉసిరికాయ పౌడర్ ను ఇతర నేచురల్ పదార్థాలతో మిక్స్ చేసి హెయిర్ ప్యాక్ గా వేసుకొని అరగంట తర్వాత తలస్నానం చేసుకోవాలి.

ఆమ్లా పౌడర్ మరియు కొబ్బరి నూనె:

ఒక టేబుల్ స్పూన్ ఆమ్లా పౌడర్ లో రెండు టేబుల్ స్పూన్ల గోరువెచ్చని కొబ్బరి నూనె వేసి బాగా మిక్స్ చేసి తలకు పట్టించి 10నిముషాల బాగా మసాజ్ చేసి రెండు గంటల తర్వాత షాంపుతో తలస్నానం చేసుకోవాలి.

ఆమ్లా మరియు మెంతులు:

ఒక చెంచా ఆమ్లా పౌడర్ కు ఒక చెంచా మెంతి పొడి మిక్స్ చేసి, అందులో మూడు టేబుల్ స్పూన్ల ఆముదం మిక్స్ చేసి ఈ మిశ్రమాన్ని తలకు మరియు వెంట్రుకలకు పట్టించాలి . ఈ మిశ్రమాన్ని సున్నితంగా మసాజ్ చేయాలి. ఒక గంట తర్వాత తలస్నానం చేయాలి.

ఆమ్లా ఆయిల్ :

ఉసిరికాయను చిన్న చిన్న ముక్కలుగా కట్ చేసి ఎండ బెట్టి, తర్వాత అందులో మూడు చెంచాల మెంతుల పొడి, అరకప్పు కొబ్బరి నూనెలో వేసి బాగా మిక్స్ చేయాలి. మిక్స్ చేసిన తర్వాత ఈ మిశ్రమాన్ని తక్కువ మంట మీద బ్రౌన్ కలర్ వచ్చే వరకూ బాయిల్ చేయాలి . తర్వాత దీన్ని చల్లార్చి మూత గట్టిగా ఉండే బాటిల్లో వేసి నిల్వ చేసుకోవాలి.

ఆమ్లా ఆయిల్ తో మసాజ్ చేయాలి:

ఆమ్లా ఆయిల్ తో జుట్టు మసాజ్ చేయడం వల్ల, ఆమ్లా ఆయిల్ తలలో హెయిర్ ఫోలీ సెల్స్ కు రక్త ప్రసరణను మెరుగుపరుస్తుంది. మరియు జుట్టు పెరుగుదలను ప్రోత్సహిస్తుంది. ఈ నూనెను రాత్రి పడుకొనే ముందు తలకు పట్టించి తర్వాత రోజు ఉదయం షాపుతో తలస్నానం చేయాలి. ఇలా రెగ్యులర్ గా చేస్తుంటే జుట్టు రాలడం తగ్గి, జుట్టు పెరుగుదలను ప్రోత్సహిస్తుంది.

శీకాయ:

ఒక గుడ్డు సొనలో, ఒక టీస్పూన్ శీకాకాయపొడి, ఒక కుంకుడు కాయ పొడి, ఒక చెంచా ఆమ్లా పౌడర్ మిక్స్ చేసి మొత్తం మిశ్రమాన్ని బాగా మిక్స్ చేసి ఈ మిశ్రమాన్ని తలకు పట్టించి 20నిముషాలు తర్వాత తలస్నానం చేయాలి.