కీళ్ల నొప్పులకు చెక్.మందులు లేకుండా ఉపశమనం ఇచ్చే ఆయుర్వేద నూనె మీ ఇంట్లోనే చేసుకోండిలా..

ఉదయం నిద్రలేవగానే మీ మోకాళ్లలో పటపటమనే శబ్దం వస్తోందా? మెడ తిప్పినప్పుడు నొప్పిగా, భుజం పైకి ఎత్తగానే అలసటగా అనిపిస్తోందా? నేటి కాలంలో కేవలం వృద్ధులే కాకుండా, 30 నుండి 40 ఏళ్ల మధ్య వయసున్న వారు కూడా తీవ్రమైన కీళ్ల, మోకాళ్ల,నడుము నొప్పులతో సతమతమవుతున్నారు. సరైన ఆహారపు అలవాట్లు లేకపోవడం, గంటల తరబడి ఒకే చోట కూర్చుని పనిచేయడం, శారీరక వ్యాయామం లోపించడం వంటివి ఈ సమస్యకు ప్రధాన కారణాలుగా మారుతున్నాయి.

చాలామంది ఈ నొప్పుల నుండి తక్షణ ఉపశమనం కోసం పెయిన్ కిల్లర్స్ ట్యాబ్లెట్లు వాడుతుంటారు. కానీ ఇవి కేవలం కొంతకాలం మాత్రమే నొప్పిని ఆపుతాయి. అందుకే మందుల అవసరం లేకుండా కీళ్ల నొప్పుల నుండి సహజంగా బయటపడటానికి సరైన ఆహారం, మసాజ్ ఎంతగానో ఉపయోగపడతాయని 'hiimsofficial' అనే ఇన్ స్టాగ్రామ్ అకౌంట్ లో పోస్ట్ చేసిన ఓ వీడియోలో ఆచార్య మనీష్ ప్రజలకు విలువైన సూచనలు అందించారు.

Homemade Ayurvedic Oil for Joint Pain Natural Remedy Without Painkillers

నొప్పి నివారణకు ఆయుర్వేద నూనె తయారీ విధానం

ముందుగా పొయ్యిపై ఒక ఇనుప పెనం పెట్టి, అందులో నువ్వుల నూనెను పోసి మంటను చాలా తక్కువగా ఉంచండి. ఇప్పుడు అందులో మెంతులు, సెలెరీ, సన్నగా తరిగిన ఆముదం ఆకులను వేయండి. వీటిని సన్నని మంటపై 10 నుండి 12 నిమిషాల పాటు నిదానంగా ఉడికించండి. ఆకులు రంగు మారడం ప్రారంభమై, నూనె నుండి మంచి సువాసన వస్తున్నప్పుడు మంటను వెంటనే ఆపివేయండి. ఆ తర్వాత పసుపు వేసి బాగా కలపండి.

నూనె పూర్తిగా చల్లారిన తర్వాత ఒక శుభ్రమైన గుడ్డతో వడకట్టి, గాజు సీసాలో భద్రపరుచుకోండి. నూనెను ఎప్పుడూ ఎక్కువ మంటపై ఉడికించకూడదు. అధిక వేడికి మూలికలు మాడిపోయి వాటి ప్రభావం పూర్తిగా నశిస్తుంది.

చలికాలంలో రోజూ ఒక బెల్లం ముక్క తింటే ఏమవుతుంది? రోజుకు ఎంత, ఎలా తినాలో తెలుసా?చలికాలంలో రోజూ ఒక బెల్లం ముక్క తింటే ఏమవుతుంది? రోజుకు ఎంత, ఎలా తినాలో తెలుసా?

నూనెతో సరిగ్గా మసాజ్ చేసే విధానం

ఈ ఆయుర్వేద నూనెను తయారుచేయడం కంటే, దానిని సరైన పద్ధతిలో పూయడమే ఎంతో ముఖ్యం. రాత్రి పడుకునే ముందు నూనెను కొద్దిగా గోరువెచ్చగా చేయండి. తర్వాత నొప్పి ఉన్న ప్రదేశంలో 10 నుండి 15 నిమిషాల పాటు సున్నితంగా మసాజ్ చేయండి. మోకాళ్లకు మసాజ్ చేసేటప్పుడు ఎల్లప్పుడూ గుండ్రంగా చేయాలి. అదే మెడ, భుజాల విషయంలో పై నుండి క్రిందికి మసాజ్ చేయడం సరైన పద్ధతి.

మసాజ్ పూర్తయిన తర్వాత, నొప్పి ఉన్న భాగాన్ని వెచ్చని గుడ్డతో కప్పి ఉంచండి. ఇది నూనె చర్మం లోపలికి లోతుగా చొచ్చుకుపోవడానికి ఎంతగానో సహాయపడుతుంది.వారానికి కనీసం 4 నుండి 5 రోజులు క్రమం తప్పకుండా ఇలా మసాజ్ చేయండి. కేవలం 15 రోజుల్లోనే మీ నొప్పులలో స్పష్టమైన తేడాను గమనించడం ప్రారంభిస్తారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.

Story first published: Monday, November 16, 2026, 13:34 [IST]
Desktop Bottom Promotion