జిమ్ బోర్ కొడితే... ! డ్యాన్స్ వుందిగా....!

Diet Fitness

oi-Nageswara

By B N Sharma

Published: Monday, November 28, 2011, 9:06 [IST]

బరువు తగ్గాలంటూ జిమ్ కి వెళ్ళి వ్యాయామాలు చేస్తూ బోర్ కొట్టేసిన వారికి శుభవార్త. డ్యాన్స్ చేస్తే కూడా బరువు తగ్గిపోతుందట. జిమ్ లో బరువులు ఎత్తేకంటే, ఆనందంగా డ్యాన్స్ చేయండి. బరువు తగ్గించుకోవాలంటే డ్యాన్స్ కదలికలు బాగా పనిచేస్తాయని ఫిట్ నెస్ గురువులు చెపుతున్నారు. డ్యాన్స్ లో కదలికలు, చెవులకు వినబడే మ్యూజిక్ వంటింవి మీరు మరింత సేపు చేసేందుకు, ఉత్సాహంగా కదలికలు చేసేటందుకు తోడ్పడి బరువు తగ్గిస్తాయని కనిపెట్టారు. అయితే, తరచుగా చేయటం, దాని సమయం, ఏ రకమైన డ్యాన్స్ అనేవి బరువు ఎంత త్వరగా తగ్గుతారనేదానికి తోడ్పడతాయి.

శరీరంలోని అధిక కొవ్వును కరిగించాలంటే ప్రతిరోజూ 30 నుండి 45 నిమిషాల బ్రిస్క్ డ్యాన్స్ చాలట. డ్యాన్స్ లో శరీరం ఎటుపడితే అటు వంగి వివిధ భాగాల కొవ్వు కరిగిపోతుంది. పొట్ట, వీపు, పిరుదులు, తొడలు మొదలైన భాగాల కొవ్వు తగ్గటానికి 'బెల్లీ డ్యాన్స్' లేదా' కేబరే డ్యాన్స్'మంచివని నిపుణులు చెపుతున్నారు. బ్యాలెట్ డాన్స్ లో శరీరం ఏ షేప్ కావాలనుకుంటే అది పొందవచ్చు. హిప్ హాప్, జాజ్, ఫ్రీ ఫుట్ డ్యాన్స్ లు అదనపు కేలరీలను ఖర్చు తేలికగా చేస్తాయి. 45 నిమిషాలపాటు ఫుట్ డాన్స్ చేస్తే గణనీయమైన ఫలితాలు వుంటాయని నిపుణులు వెల్లడించారు.

మ్యూజిక్ ధ్వని అధికంగా వుండి వేగంగా వుంటే, డ్యాన్స్ కదలికలు సైతం సమర్ధవంతంగా వుంటాయని తెలిపారు. డ్యాన్సింగ్ బరువు తగ్గించటమే కాక ఆరోగ్యం కూడా ఇస్తుంది. హార్ట్ రేట్ పెంచి ఆరోగ్యాన్నివ్వడం, శరీరంలో బ్లడ్ సర్కులేషన్ పెంచడం వంటి ద్వారా మేలు చేస్తుంది. ఒత్తిడి బాగా తగ్గి తేలికైన జీవనం కలుగుతుంది. ఇన్ని ప్రయోజనాలున్న ఈ డ్యాన్స్ లను ఎవరైనా, ఎపుడైనా, చివరకు టి.వి. వీడియోలు సైతం చూసేస్తూ చేసి ఆనందించేయవచ్చు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.