ముఖం సహజ మెరుపు పొందాలంటే?

అందం, శరీరం లోపలినుండి సహజంగా వస్తుంది. ముఖం సహజ మెరుపు సౌందర్య సాధనాలలో లేదంటారు చర్మ నిపుణులు. శరీరంలోని ఇతర అవయవాలవలెనే చర్మంకూడా మీ ఆహారం, జీవన విధానాలపై ఆధారపడివుంటుంది. మీ శరీరాన్ని లోపలినుండి పోషిస్తే, మీ చర్మం సంరక్షణ, వయసు పైబడకుండా కనపడటమనేవి మీ చేతుల్లో వున్నాయి. డైటింగ్ చేసేవారు శరీరంలో కొవ్వు తగ్గించుకోవటానికిగాను సాధారణంగా అత్యవసరమైన ఫ్యాటీ యాసిడ్స్ నిలిపేస్తారు.

కాని ఇవి శరీరానికి ఎంతో అవసరం. చర్మ సంరక్షణకే కాదు, గుండె సంబంధిత, రోగ నిరోధకత, సంతానోత్పత్తి, నరాల వ్యవస్ధ మొదలగు అన్ని వ్యవస్ధలపైనా వీటి ప్రభావం అధికంగా ఉంటుంది. ఒక సారి చర్మం మెరుపు కోల్పోతే, లేదా ముడుతలవంటివి ఏర్పడితే, మరోమారు అవసరమైన కొవ్వు పట్టి నిగ నిగలాడటానికి ఎంతో కష్టపడాల్సివస్తుంది.

శరీరంలో కొత్త కణాలు పుట్టేలా చేస్తాయి. డ్యామేజీ అయిన కణాలు తిరిగి జీవంపోసుకునేలా చేస్తాయి. మలినాలను తొలగిస్తాయి. ఇటీవల చేసిన పరిశోధనలు ఎస్సెన్షియల్ ఫ్యాటీ యాసిడ్లు పొడి చర్మానికి మందుగానే కాదు బరువు తగ్గించేందుకు కూడా తోడ్పడతాయని తెలుపుతున్నాయి. కనుక మీరు తినే ఆహారంలో బరువు తగ్గాలంటూ ఎసెన్షియల్ ఫ్యాటీ యాసిడ్ లను తొలగించకండి. ఇవి వుండే ఆహారాలు తప్పక తీసుకోండి అంటున్నారు చర్మ సంరక్షక నిపుణులు. మరి ఈ ఎసెన్షియల్ ఫ్యాటీ యాసిడ్ ఆహారాలు వేటిలో వుంటాయి? మాంసం, చేపలు, ఇతర సీ ఫుడ్స్, కోడి మాంసం ఉత్పత్తులు, ఛీజ్, గుడ్లు, బఠాణీలు, గింజలు, ముతక బియ్యం, గింజ ధాన్యాలు, షుగర్ వంటివాటిలో అధికంగా వుంటాయి. మీరు తినే ఆహారాలలో ప్రధానంగా ఇవి వుండేలా చూసుకోండి.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.