స్విమ్మింగ్ తేలిక వ్యాయామంగా...!

Diet Fitness

oi-Nageswara

By B N Sharma

Published: Friday, February 24, 2012, 11:02 [IST]

అందం, ఆరోగ్యం, ఉత్సాహం ప్రధాన ధ్యేయంగా సెలిబ్రిటీలు, సినీ తారలు తమ ఆహారంలో పండ్లను, పండ్ల రసాలను మాత్రమే రెండు లేదా మూడు రోజులపాటు తీసుకుంటూ శరీరంలోని మలినాలను విసర్జిస్తారు. కొవ్వును తగ్గించుకొని సన్నగా నాజూకుగా వుండటానికి ప్రయత్నిస్తారు. ఈ ఆహారాన్ని ఫ్రూట్ ఫ్లష్ డైట్ అని కూడా అంటారు. ఈ ఆహారంపై రెండు లేదా మూడు రోజులపాటు వుంటే శరీరంలోని జీర్ణవ్యవస్ధ, ఇతర వ్యవస్ధలు శుభ్రపడి ఎంతో ఉల్లాసంగా, ఉత్సాహంగా వుంటారు. శరీరాన్ని సహజంగా శుభ్రపరచాలంటే పండ్లు మంచి ఆహారం. కేలరీలు తక్కువ. త్వరితంగా మలినాలను విసర్జించేందుకు తోడ్పడతాయి. యాంటీ ఆక్సిడెంట్లు, విటమిన్లు, మినరల్స్ అధికం. పండ్లు ప్రధాన ఆహారంగా ఎటువంటి ప్రణాళిక ఆచరించాలో చూడండి.

పండ్ల ఆహారంపై వుండేవారు ప్రతిరోజూ మూడు నుండి నాలుగు లీటర్ల పరిశుభ్రమైన నీటిని తాగాలి. కూల్ డ్రింక్ లు, కాఫీ, టీ, ఆల్కహాల్, సోడా వంటి ఇతర పానీయాలు వదిలేయండి. తాజా పండ్లు, ఏవైనా సరే ప్రత్యేకించి ఆర్గానిక్ పండ్లు తినండి. సాయంత్రం కార్బో హైడ్రేట్లు లేని ఆహారాలు, కూరగాయలు, పండ్లు తినాలి. ప్రొటీన్ కలిపిన డ్రింకులు తీసుకోవచ్చు. అయితే వీటిలో మీగడ, ఫ్రక్టోస్ షుగర్, సర్కోస్, సక్రాలోజ్, ఆర్టిఫిషియల్ ఫ్లేవర్స్, కలర్లు వుండరాదు.

ఈ సమయంలో అధికంగా వ్యాయామం వంటివి చేయరాదు. స్విమ్మింగ్, సైకిలింగ్ వంటి సులభమైన వ్యాయామాలు చేయండి. పండ్లు ప్రధాన ఆహారంగా తినే వారికి రోజుకు 1000 కేలరీలు మించి చేరవు. అంతేకాక, శరీరానికి అవసరమైన కాల్షియం, విటమిన్ డి, విటమిన్ బి, ఒమేగా 3 కొవ్వులు కూడా శరీరానికి అందవు. కనుక ఇది ఎక్కువరోజులు ఆచరించరాదు. శరీరంలోని మలినాలు, విషపదార్ధాలను విసర్జించి శారీరక వ్యవస్ధను మెరుగుపరుచుకోవాలంటే, రెండు లేదా మూడు రోజులు పైన తెలిపిన ఫ్రూట్ ఫ్లష్ డైట్ విధానాన్ని ఆచరించవచ్చు. ఇది ఆచరిస్తే, శరీరంలోని కణాలు మరోమారు పునరుజ్జీవనం పొంది, ఎంతో తేలికైన అనుభూతి పొందుతారు. ఇతర విసర్జనా ప్రక్రియలకంటే కూడా ఈ ఆహార ప్రణాళిక మంచి ఫలితాలనిస్తుంది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.