బరువు తగ్గించే బెస్ట్ ఇండియన్ బ్రేక్ ఫాస్ట్ ఆప్షన్స్

కిచిడి

మీ దినచర్యను ఆరోగ్యకరమైన కిచిడితో ప్రారంభించవచ్చు. ఇది ఒక బెస్ట్ బ్రేక్ ఫాస్ట్ ఐడియా. దాల్ కిచిడి లేదా బార్లీ కిచిడిని చాలా తక్కువ మాసాల దినుసులు, కారం తక్కువగా చేసుకుంటే, అంది మీకు మరింత ఎక్కువ పోషకాలను అందిస్తుంది. కిచిడి పొట్టనింపే బ్రేక్ ఫాస్ట్ ఆప్షన్. అంతే కాదు, ఇది ఖచ్చితంగా మిమ్మల్ని బరువు పెరగనివ్వదు.

పోహా(అటుకులతో తయారుచేసే అల్పాహారాలు)

పోహా (అటుకులతో తయారుచేసే అల్పాహారాలు బ్రేక్ ఫాస్ట్ కు ఒక ఫర్ ఫెక్ట్ ఆప్షన్. ఇది మీ పొట్టలో తేలికగా ఉంచుతంది, చాలా తక్కువ క్యాలరీలను కలిగి ఉండే పోహా కళ్ళఆరోగ్యానికి చాలా మంచిది.

దాలియా

దాలియా లేదా గోధుమ రవ్వ ఆరోగ్యానికి చాలా మంచిది. మీరు వెయిట్ లాస్ ప్లాన్ లో ఉన్నప్పుడు గోధుమ రవ్వ ఉప్మా చాలా మేలు చేస్తుంది. ఇది ఫైబర్ మరియు కార్బోహైడ్రేట్స్ తో నిండి ఉంటుంది. అంతే కాదు చాలా తక్కువ క్యాలరీలు కలిగిన గోధుమరవ్వతో చాలా తసులభంగా మరియు త్వరగా అల్పాహారాన్ని తయారుచేయవచ్చు.

దోస

మల్టిగ్రెయిన్ దోసం. మీరు బరువు తగ్గాలని కోరుకుంటున్నట్లైతే దోసను కూడా ఎంపిక చేసుకోవచ్చు. ముఖ్యంగా అడై దోస ఎంపిక చేసుకోవాలి. దోసెకు చాలా తక్కువగా నూనెను ఉపయోగించాలి. లేదా నాన్ స్టిక్ పాన్ తో దోసెను తయారుచేసి తీసుకోవచ్చు. ఇది హెల్తీ బ్రేక్ ఫాస్ట్ ఆప్షన్.

ఎగ్ సాండ్విచ్

గోధుమతో తయారుచేసిన బ్రెట్ మరియు సాల్ట్ పెప్పర్ వేసిన పోచ్చ్డ్ ఎగ్ ఫ్రై, ఒక హెల్తీ బ్రేక్ ఫాస్ట్ ఐటమ్. గుడ్డులో అధిక న్యూట్రీషియన్స్ కలిగి ఉండి శక్తిని అందివ్వడంతో పాటు బరువును ఎఫెక్టివ్ గా తగ్గిస్తాయి.

స్టీమ్డ్ ఇడ్లీ

బరువు తగ్గడానికి ఆవిరిలో ఉడికించిన పదార్థాలన్నీకూడా చాలా ఎఫెక్టివ్ గా పనిచేస్తాయి. కాబట్టి, మీరు హెల్తీగా ఉంటూనే బరువు తగ్గించుకోవాలంటే గోధుమ రవ్వ లేదా రాగి ఇడ్లీలను హెల్తీ బ్రేక్ ఫాస్ట్ గా ఎంపిక చేసుకోండి.

ఓట్స్

హెల్తీ బ్రేక్ ఫాస్ట్ కు ఓట్స్ కు హెల్తీ ఫ్రూట్స్ మరియు పాలు మిక్స్ చేసి తీసుకోవాలి. ఇలా తీసుకోవడం మీకు ఇష్టం లేకపోతే ఉప్మా లేదా దోసె రూపంలో తీసుకోవచ్చు.