బాసిల్ (లేదా) తులసి మీ బరువును తగ్గించడానికి సహాయపడుతుందా ?

1. కొలెస్ట్రాల్ను తగ్గిస్తుంది :

ఇది మీ జీవక్రియ ఒత్తిడిని పెంచే కారకాలను లక్ష్యంగా చేసుకుని, శరీర బరువును & కొలెస్ట్రాల్ స్థాయిలను తగ్గించడంలో సహాయపడుతుంది. ఈ హెర్బ్ చెడు కొలెస్ట్రాల్ను తగ్గించి, మంచి కొలెస్ట్రాల్ ను పెంచుతుంది.

2. మీ ఉదరాన్ని రక్షిస్తుంది :

ఈ హెర్బ్, స్టమక్ అల్సర్కు కారణం అయిన ఆమ్లాల ప్రభావమును తగ్గించి, శ్లేష్మ సంబంధమైన స్రావాలను పెంచి, శ్లేష్మ కణాల పెరుగుదలను & వాటి జీవిత కాలాన్ని పొడిగించే సామర్థ్యాన్ని కలిగి ఉంటుంది.

3. రక్తంలో చెక్కర స్థాయిలను తగ్గిస్తుంది :

మీరు టైప్ 2 డయాబెటిస్ను కలిగి ఉంటే, మీ రక్తంలో ఉన్న చక్కెర స్థాయిలను తగ్గించడంలో ఈ హెర్బ్ చక్కగా పనిచేస్తుంది. బరువు పెరగటం, రక్తంలో ఇన్సులిన్ స్థాయిలు పెరగటం, అధిక కొలెస్ట్రాల్ను, రక్తపోటు, ఇన్సులిన్ను నిరోధించడం వంటి మధుమేహ లక్షణాలను నిరోధించడంలో బాగా సహాయపడుతుంది.

4. ఇన్ఫెక్షన్లు రాకుండా కాపాడుతుంది :

ఈ హెర్బ్లో ఉన్న యాంటీ-బ్యాక్టీరియల్, యాంటీ-వైరల్, యాంటీ-ఫంగల్, అనాల్జేసిక్ & యాంటీ-ఇన్ఫ్లమేటరీ అనే వైద్య గుణాల కారణంగా నోటి అల్సర్, మొటిమలు, పెరిగిన మచ్చల వంటి అంటువ్యాధులకు సులువుగా చికిత్సను చేయవచ్చు.

శరీర బరువును తగ్గించి, ఆరోగ్య ప్రయోజనాలను చేకూర్చే తులసి/బాసిల్ టీ :-

ఈ బాసిల్-టీ మీ శరీర బరువును తగ్గిస్తుందా ? అవును, అది తగ్గించగలదు ! బాసిల్ ఆకులు (లేదా) విత్తనాలు మీ శరీర బరువును తగ్గించడంలో సహాయపడతాయి. ఈ క్రింద తెలిపిన మార్గాల ద్వారా బాసిల్ మీ శరీర బరువును తగ్గించడంలో సహాయపడుతుంది.

1. జీవక్రియను సరళతరం చేస్తుంది :

తులసి ఆకులను తినడం వల్ల మీ జీవక్రియను సరళతరం చేయడంలో సహాయపడుతుంది. ఇది మీరు తీసుకునే ఆహారాన్ని శక్తిగా మార్చి, మీ శరీరానికి తక్షణ పోషణను అందిస్తుంది.

2. కాలేయ పనితీరును మెరుగుపరుస్తుంది :

శరీరంలో నిల్వవున్న అవాంచితమైన విషవ్యర్ధాలను తొలగించడమే కాలేయం యొక్క ప్రధాన విధి. అలాంటి అవాంచిత విషపదార్ధాలలో ఊబకాయానికి దారి తీసే కొవ్వులను కూడా కలిగి ఉండవచ్చు.

3. ఆరోగ్యకరమైన జీర్ణక్రియను నిర్వహించడం :

ప్రతిరోజూ తులసి-టీని తీసుకోవడం వల్ల ప్రేగులలో ఉండే మంచి బ్యాక్టీరియా మెరుగైన పనితీరును కలిగి ఉండడంతో పాటు, సరియైన రీతిలో ప్రేగులను కదిలించడం ద్వారా ఆరోగ్యకరమైన జీర్ణక్రియను నిర్వహించటంలో మీకు సహాయపడుతుంది.

4. మీలో సహనాన్ని పెంచుతుంది :

తులసి-టీ లో కేలరీలు లేకపోవటం వల్ల మీలో సహనాన్ని & శారీరక బలాన్ని పెంచుతుంది. మీరు వ్యాయామం చేసే ముందు ఒక కప్పు తులసి-టీని తాగడం వల్ల ఇది మీలో సహనాన్ని పెంచుతుంది.

5. హైపోథైరాయిడిజంను నియంత్రిస్తుంది :

థైరాయిడ్ గ్రంథి ఉత్పత్తి చేసే హార్మోన్లలో ఏర్పడిన లోపం కారణంగా హైపోథైరాయిడిజం సంభవిస్తుంది. ఇది మీరు తీసుకునే ఆహారాన్ని సరిగ్గా నిర్వహించకపోవడం వల్ల శరీర బరువును పెంచుటకు దారితీస్తుంది. ఇలాంటి పరిస్థితుల్లో మీరు తులసి-టీని తాగడం వల్ల థైరాయిడ్ హార్మోన్లను సమతుల్యం చేయటంలో సహాయపడుతుంది.

బరువు తగ్గడం కోసం తులసి ఆకులను ఏవిధంగా ఉపయోగించాలి ?

తులసి ఆకుల సారాన్ని టీ రూపంలో తీసుకోవడం వల్ల మీ శరీరానికి విటమిన్ - A,C,K లతో పాటు, మాంగనీస్, కాపర్, ఐరన్, క్యాల్షియం, ఒమెగా-3, మెగ్నీషియం వంటి విటమిన్లను & మినరల్స్ను అందిస్తుంది.

తులసి ఆకులను ఉపయోగించే పద్ధతులు :-

* తులసి ఆకులను నమలవచ్చు.

* అరలీటరు నీటిలో కొన్ని తులసి ఆకులను వేసి, టీ రూపంలో రోజువారీగా తాగాలి.

బరువు తగ్గడం కోసం తులసి గింజలను ఏవిధంగా ఉపయోగించాలి ?

కావలసిన పదార్ధాలు :

2 టేబుల్ స్పూన్ల తులసి గింజలు

2 గ్లాసుల చల్లని నీరు

6 టేబుల్ స్పూన్ల రోజ్ (లేదా) స్ట్రాబెరీ సిరప్

2 స్పూన్ల నిమ్మరసం

5-6 పుదీనా ఆకులు

తయారీ విధానం :-

* మీరు సేకరించిన తులసి గింజలను మంచినీటితో శుభ్రం చేయండి.

* మంచి నీటి గ్లాసులో సుమారు రెండు గంటలపాటు నానబెట్టండి.

* అలా నానబెట్టిన గింజలను మాత్రమే నీటి నుండి వేరు చేయాలి.

* ఒక గ్లాసులో మీకు నచ్చిన సిరప్ను 3 టేబుల్ స్పూన్ల మోతాదులో తీసుకోండి.

* అందులోకి చల్లని తాగునీరును పోసి బాగా కలపాలి.

* ఈ మిశ్రమంలోకి నానబెట్టిన తులసి గింజలను చేర్చాలి.

* అదనంగా నిమ్మరసాన్ని పుదీనా ఆకులను కూడా చేర్చి సర్వ్ చేసుకోవాలి.

మంచి ఫలితాలను పొందడానికి ఇలా తయారుచేసుకున్న తులసి గింజల పానీయాన్ని తరచుగా తీసుకోండి.