అలసిన కళ్లకు హోం రెమిడీస్

కంటినిండా నిద్ర‌

మీ క‌ళ్ల‌కు నూత‌నోత్తేజం క‌లిగించాలంటే.. కంటినిండా నిద్ర‌పోవాలి. రోజుకి 7గంట‌లు ఖ‌చ్చితంగా నిద్ర‌పోవాలి. స‌రిగా నిద్ర‌లేక‌పోతే.. క‌ళ్లు అల‌సిపోతాయి.. ఒత్తిడికి గుర‌వుతాయి. ఎలాంటి డిస్ట్ర‌బెన్స్ లేకుండా నిద్ర ఉండేలా చూసుకోవాలి. ప‌డుకునే ముందు క‌ళ్ల‌ను శుభ్రం చేసుకుంటే బాగా నిద్ర‌ప‌డుతుంది.

చ‌ల్ల‌టి టీ బ్యాగ్స్

టీ తాగిన త‌ర్వాత టీ బ్యాగ్ ల‌ను వేస్ట్ చేయ‌కండి. యాంటీ ఆక్సిడెంట్స్ పుష్క‌లంగా ఉండే టీ బ్యాగుల‌ను నాలుగు నుంచి ఐదు నిమిషాలు ఫ్రిజ్ లో పెట్టి త‌ర్వాత క‌ళ్ల‌పై పెట్టుకుంటే.. మంచి ఫ‌లితం ఉంటుంది.

దోస‌కాయ

దోస‌కాయ ముఖ్క‌ల‌ను క‌ళ్ల‌పై కాసేపు ఫ్రిజ్ లో ఉంచి త‌ర్వాత క‌ళ్ల‌పై పెట్టుకుంటే.. అల‌సిపోయిన క‌ళ్ల‌కు ఉప‌శ‌మ‌నం క‌లుగుతుంది. చాలా ఈజీ పరిష్కారం.

ఐ బాత్

శుభ్రంగా ఉన్న నీటిని ఒక గిన్నెలో తీసుకోవాలి. కంటిని ఆ నీటిలో ముంచుతూ.. క‌ళ్లు తెర‌వాలి. దీనివ‌ల్ల క‌ళ్ల‌లో ఉన్న దుమ్ము, దూళి బ‌య‌ట‌కు పోతాయి. ఈ ప‌ద్ధ‌తి ఈజీగా.. ఇంట్లో చేసుకోవ‌డానికి అనుకూలంగా ఉంటుంది.

దోస‌కాయ రసంలో ముంచిన దూది

కంటికి అవ‌స‌ర‌మైన ఉప‌శ‌మ‌నం త్వ‌ర‌గా.. ఈజీగా పొంద‌డానికి ఈ రెమెడీ బాగా ఉప‌యోగ‌ప‌డుతుంది. దోస‌కాయ ర‌సంలో ముంచిన దూదిని క‌ళ్ల‌పై పెట్టుకుని రాత్రంగా అలాగే ఉన్నా మంచి ఫ‌లితం ఉంటుంది. దీనివ‌ల్ల క‌ళ్ల చుట్టూ వాపును కూడా త‌గ్గిస్తుంది.

ఆలూ ర‌సం

క‌ళ్ల కింద ఉండే న‌ల్ల‌టి వ‌ల‌యాలు పోవడానికి ఆలూ ఉప‌యోగప‌డుతుంది. ఆలూ నుంచి తీసిన ర‌సాన్ని కొంత‌సేపు ఫ్రిజ్ లో ఉంచాలి. అవి చ‌ల్ల‌బ‌డిన త‌ర్వాత క‌ళ్ల‌చుట్టూ అద్దుకోవాలి.

మ‌సాజ్

క‌ళ్ల‌ను అప్పుడ‌ప్పుడు మ‌సాజ్ చేయాలి. దీనివ‌ల్ల ర‌క్త ప్ర‌స‌ర‌ణ బాగా జ‌ర‌గ‌డ‌మే కాదు.. క‌ళ్ల చుట్టూ ముడ‌త‌లు త‌గ్గి ఫ్రెష్ గా క‌నిపిస్తాయి. చూపుడు వేలితో కంటి చుట్టూ సున్నితంగా మ‌ర్ద‌నా చేయాలి.

ఐ డ్రాప్స్

కొన్ని సంద‌ర్బాల‌లో క‌ళ్ల‌లో దుర‌ద విప‌రీతంగా ఉంటుంది. అలాంట‌ప్పుడు కంటి డాక్ట‌ర్ సూచించిన ఐ డ్రాప్స్ ని వాడాలి. ఐ డ్రాప్స్ మూత ఓపెన్ చేసిపెట్టిన‌వి.. చాలా కాలం త‌ర్వాత వాడితే.. ఇన్ఫెక్ష‌న్ల‌కు దారి తీస్తాయి. కాబ‌ట్టి క‌ళ్ల విష‌యంలో చాలా జాగ్ర‌త్త వ‌హించాలి.