త్వరగా నిద్రలోకి జారుకోవడానికి సైంటిఫిక్ రూల్స్

ఖర్చుల వివరాలు

బ్రెయిన్ రిలాక్స్ గా ఉంటే నిద్ర సరిగా వస్తుంది. పడుకునేటప్పుడు బిల్లులు, లెక్కల గురించి ఆలోచిస్తే.. నిద్ర ఆమడదూరం పారిపోతుంది. కాబట్టి.. మీ ఖర్చులు, బిల్లుల విషయాలు, ఎవరికోసం ఏం ఖర్చు చేశారు ఇలాంటి విషయాలన్నింటితో ఓ జర్నల్ తయారు చేసుకోండి. ప్రశాంతంగా నిద్రపోండి.

పడుకోవడానికి మాత్రమే బెడ్ రూమ్

బెడ్ మీద లాప్ టాప్ లు బ్రౌజ్ చేయడం, సెల్ ఫోన్లు చూసుకోవడం మంచిది కాదు. వీటన్నింటిని హాల్ లోనే ఫినిష్ చేసుకోవాలి. కేవలం నిద్రపోవడానికి మాత్రమే బెడ్ రూమ్ ని వాడుకోవాలి.

చీకటిలో నిద్రపోవడం

నిద్రపోయే గదిని చీకటిగా ఉంచితే బెటర్. లైటింగ్ పడటం వల్ల నిద్రకు ఆటంకం ఏర్పడుతుంది.

గదిలో ఉష్ణోగ్రత

పడక గదిలో సరైన ఉష్ణోగ్రత ఉండాలి. 18 సెల్సియస్ ఉష్ణోగ్రత ఉంటే.. నిద్ర బాగా పట్టడానికి సరిపోతుంది.

బ్రీతింగ్

చాలా ప్రశాంతంగా ఊపిరిపీల్చుకోండి. దీనివల్ల మంచి రిలాక్సేషన్ కలుగుతుంది. రెండు సెకన్లు లోపలికి పీల్చి, 4 సెంకడ్లు.. అలానే బిగపట్టుకుని.. నిదానంగా.. అంటే 8 సెంకండ్లపాటు గాలి వదిలేయాలి. దీనివల్ల శరీరం రిలాక్స్ అవుతుంది.

స్మోకింగ్

నిద్రకు ముందు పొగత్రాగరాదు. దీనివల్ల మానసిక ఇబ్బందులు తలెత్తుతాయి. మధ్యాహ్నం ఎక్కువ మోతాదులో కాఫీలు కూడా తాగకుండా ఉండటం మంచిది. కాబట్టి హ్యాపీగా నిద్రపోవాలంటే వీటన్నిటికీ దూరంగా ఉండటం బెటర్.

పుస్తకాలు చదవడం

మంచి నిద్రకు పుస్తకం చదవడం సరైన పరిష్కారం. త్వరగా నిద్రలోకి జారుకోవాలంటే.. బుక్ చదవితే.. చాలు మీకు తెలియకుండానే నిద్రపోతారు.