ప్రపంచ కంటిచూపు దినోత్సవం స్పెషల్.. దృష్టిని పెంచే పవర్ ఫుల్ ఫుడ్స్

క్యారెట్

కంటి ఆరోగ్యం మనం తీసుకునే ఆహారంపైనే ఆధారపడి ఉంది. కంటి ఆరోగ్యానికి క్యారెట్లు కీలకపాత్ర పోషిస్తాయి. వీటిలో బీటా కెరోటిన్, విటమిన్ ఏ పుష్కలంగా ఉంటాయి. ఇవి కంటిలోని రెటీనా పనితీరు సక్రమంగా ఉండేలా చూస్తాయి.

పాలకూర

పాలకూర కంటిచూపు పెరుగుదలకు సహకరిస్తుంది. ఇందులో ఉండే పోషకాలు వయసుతో పాటు వచ్చే కంటిచూపు సమస్యలను తగ్గిస్తాయి.

నట్స్

బాదాం, వాల్ నట్ వంటి వాటిలో విటమిన్ ఇ, జింక్ సమృద్ధిగా ఉంటాయి. వీటిని నిత్యం తీసుకోవడం వల్ల.. సైట్ ప్రాబ్లమ్స్ కి దూరంగా ఉండవచ్చు.

అవకాడో

కంటిచూపు మందగించకుండా ఉండటానికి అవకాడో తోడ్పడుతుంది.

చేపలు

కంటి చూపు మెరుగుపరచడానికి చేపలు సరైన ఆహారం. ట్యూనా, సాల్మన్, సార్డీన్స్ చేపలలో ఒమేగా త్రీ ఫ్యాటీ యాసిడ్స్ ఎక్కువగా ఉంటాయి. కాబట్టి తరచుగా వీటిని తీసుకోవడం మంచిది.

కోడిగుడ్డు

కోడిగుడ్డులోని తెల్లసొనలో ఉండే పోషక విలువలు కంటి ఆరోగ్యానికి రక్షణగా ఉంటాయి. కాబట్టి రోజు ఒక కోడిగుడ్డుని ఆహారంలో చేర్చుకోవాలి.

వెల్లుల్లి

కంటిపొరకు రక్షణగా ఉండే యాంటీ ఆక్సిడెంట్లను శరీరంలో విడుదల చేయడానికి వెల్లుల్లి ఉపయోగపడుతుంది. కాబట్టి వీటిని ఎక్కువగా తీసుకోవడం మంచిది.