వార్నింగ్: మీ శరీరంలో ప్రొటీన్స్ తగ్గాయనడానికి సంకేతాలివే..!!

తీసుకునే ఆహారం

మన శరీరంలో ప్రొటీన్ లెవెల్స్ తక్కువగా ఉన్నప్పుడు నాన్ న్యూట్రీషనల్ ఫుడ్, అనారోగ్యకరమైన ఆహారాలు ఎక్కువగా తీసుకుంటాం. ఇందులో చక్కెర స్థాయిలు ఎక్కువగా ఉంటాయి. చాక్లెట్స్, పాస్తా, చిప్స్, సాఫ్ట్ డ్రింక్స్ వంటివి ఎక్కువగా తీసుకుంటున్నారంటే.. ప్రొటీన్ లోపం ఉందని గుర్తించాలి.

కీళ్లు, కండరాల నొప్పులు

శరీరంలో ప్రొటీన్స్ తగ్గినప్పుడే కీళ్లు, కండరాల నొప్పులు బాధిస్తాయి. జాయింట్స్ మధ్యలో ఉండే సినోవియల్ జెల్ ప్రొటీన్స్ ద్వారాను ఉత్పత్తి అవుతుంది. వాటి ద్వారా కండరాలు ఉత్తేజం అవుతాయి. ప్రొటీన్స్ స్థాయి శరీరంలో పడిపోయినప్పుడు కీళ్లు, కండరాల నొప్పుల సమస్య మొదలువుతుందని గుర్తుంచుకోండి.

అలసిపోవడం

తక్కువ ప్రొటీన్ లెవెల్స్ ఉంటే.. బ్లడ్ షుగర్ లెవెల్స్ తగ్గి.. మూడ్ లో చాలా మార్పులు వస్తాయి. త్వరగా చిరాకు పడటం, మానసికంగా ఒత్తిడికి లోనవడం, అలసిపోవడం వంటి లక్షణాలు కనిపిస్తాయి. శారీరక, మానసిక ఒత్తిడి ఎక్కువవుతుంది.

నిద్రపోలేకపోవడం

ఎప్పుడైతే మన శరీరంలో ప్రొటీన్స్ తక్కువగా ఉంటాయో.. నిద్రపట్టడం చాలా కష్టమవుతుంది. నిద్రపట్టక మధ్య రాత్రుల్లో లేవడం కూడా జరుగుతుంది. దీనికి ప్రధాన కారణం.. ఎక్కువగా స్వీట్స్ తీసుకోవడం. దీనివల్ల బ్రెయిన్ రిలాక్సేషన్ కోల్పోతుంది.

తరచుగా అనారోగ్యం

ఒకవేళ ప్రొటీన్ లెవెల్స్ తక్కువగా ఉంటే.. తరచుగా అనారోగ్యం పాలవుతుంటారు. ఇమ్యూనిటీ పవర్ తగ్గిపోయి, ఇన్ఫెక్షన్లతో పోరాడే ఇమ్యునోగ్లోబిలిన్స్ తగ్గడం వల్ల అనారోగ్య సమస్యలు ఎక్కువుతాయి. ఇమ్యునోగ్లోబిలిన్స్ ని ప్రొటీన్స్ ఉత్పత్తి చేస్తాయి. అలాగే ప్రొటీన్స్ తగ్గినప్పుడు తెల్ల రక్తకణాల కౌంట్ కూడా తగ్గిపోతాయి.

బ్రెయిన్ ఫంక్షన్

ప్రొటీన్స్ తక్కువైనప్పుడు మెదడు పనితీరు కూడా తగ్గిపోతుంది. ప్రొటీన్స్ ద్వారా న్యూరో ట్రాన్స్మిట్స్ పనిచేస్తాయి. కాబట్టి ప్రొటీన్ రిచ్ ఫుడ్ తీసుకోవడం వల్ల.. మెంటల్ హెల్త్ తో పాటు ఏకాగ్రత కూడా పెరుగుతుంది. దీంతో ఎలాంటి వర్క్ అయినా ఈజీగా చేయవచ్చు.

బరువు పెరగడం

మీరు బరువు పెరుగుతున్నారని గమనించారంటే.. మీ శరీంలో కార్బోహైడ్రేట్స్ పుష్కలంగా లభించే ప్రొటీన్స్ తక్కువగా ఉన్నాయని గుర్తించాలి. ప్రొటీన్స్ మెటబాలిజం స్థాయిని పెంచుతాయి. అలాగే యాక్టివ్ గా ఉండటానికి సహాయపడతాయి. ఫ్యాట్స్ కరిగిస్తాయి. కాబట్టి ప్రొటీన్స్ పుష్కలంగా అందించే ఆహారాన్ని డైట్ లో చేర్చుకోవడం వల్ల స్లిమ్ గా, ఎనర్జిటిక్ గా ఉండవచ్చు.