వరల్డ్ రన్నింగ్ డే స్పెషల్: రన్నింగ్ తో ఆయుష్మాన్ భవ

సంతోషం

ఎలాంటి పరిస్థితులనైనా ఎదుర్కోవడానికి రన్నింగ్ సహాయపడుతుంది. డిప్రెషన్ లో ఉన్నవాళ్లు కేవలం 30 నిమిషాలు థ్రెడ్ మిల్ పై నడవడం వల్ల.. ఈజీగా డిప్రెషన్ నుంచి బయటపడతారట. డిప్రెషన్ నుంచి కోలుకోవాలంటే.. శారీరక వ్యాయామం సరైన మందు. కాబట్టి రోజూ రన్నింగ్ చేయడం అలవాటు చేసుకోండి.. జీవితాన్ని హ్యాపీగా, హెల్తీగా మార్చుకోండి.

స్లిమ్ గా తయారవడానికి

సాధారణంగా వ్యాయామం చేసేటప్పుడు క్యాలరీలు తగ్గుతాయని అందరికీ తెలుసు. కానీ.. రన్నింగ్ చేసి.. ఆపేసిన తర్వాత కూడా క్యాలరీలు కరుగుతూ ఉంటాయని తాజా అధ్యయనాలు వెల్లడించాయి. కాబట్టి త్వరగా స్లిమ్ అవడానికి రన్నింగ్ బెస్ట్ ఆప్షన్.

మోకాళ్లు దృఢంగా మారడానికి

రన్నింగ్ చేయడం వల్ల మోకాళ్లకు హాని కలుగుతుందని చాలా మంది అపోహ పడుతుంటారు. అయితే.. రన్నింగ్ వల్ల మోకాళ్లు ఇంకా దృఢంగా మారుతాయి. మోకాళ్లతో పాటు.. శరీరంలోని అన్ని జాయింట్స్, ఎముకలు కూడా గట్టిపడతాయి.

వయసు పెరుగుతున్నా యాక్టివ్ గా ఉండటానికి

రన్నింగ్ వల్ల ఆరోగ్యంతో పాటు.. వయసు ఛాయలు కనిపించకుండా.. ఉండటానికి సహకరిస్తుంది. అంతేకాదు వయసు పెరుగుతున్నామన్న భ్రమను పక్కకు నెట్టేసి.. రోజు రోజుకి షార్ప్ గా మార్చేస్తుంది రన్నింగ్. స్ర్టోక్ పేషంట్స్ రెగ్యులర్ గా వ్యాయామం చేయడం వల్ల మెమరీ, ల్యాంగ్వేజ్, ఆలోచనా శక్తి, సమస్యలకు పరిష్కారాలు చెప్పే శక్తి 50 శాతం పెరుగుతుంది. అంతేకాదు వీళ్లలో కాన్సంట్రేషన్, ప్లానింగ్, ఆర్గనైజింగ్ చాలా బాగా ఇంప్రూవ్ అవుతుంది.

క్యాన్సర్ రిస్క్ తగ్గిస్తుంది

రన్నింగ్ క్యాన్సర్ ని నయం చేయలేకపోవచ్చు. కానీ.. క్యాన్సర్ ని అరికట్టడానికి రన్నింగ్ సహకరిస్తుంది. రన్నింగ్ రెగ్యులర్ గా చేయడం వల్ల కొన్ని రకాల క్యాన్సర్ ల ముప్పు ఉండదు. ఒకవేళ క్యాన్సర్ తో బాధపడుతున్న వాళ్లు రన్నింగ్ చేయడం వల్ల జీవితకాలం పెరుగుతుందని అధ్యయనాలు చెబుతున్నాయి.

ఆయుష్షు పెరగడానికి

సగటున మీరు వారానికి 5 రోజులు 30 నిమిషాలు చొప్పున రన్నింగ్ చేయడం వల్ల మీ ఆయుష్షు పెరుగుతుంది. పొగతాగే వాళ్లకు 4 ఏళ్లు, క్యాన్సర్ పేషంట్స్ కి 5 ఏళ్లు, హార్ట్ పేషంట్స్ కి 4 ఏళ్లు జీవితం కాలం పెరిగినట్లు అధ్యయనాలు చెబుతున్నాయి.

చూశారుగా రన్నింగ్ వల్ల కలిగే ప్రయోజనాలు. ఇన్ని ఆరోగ్య రహస్యాలున్న రన్నింగ్ ని నిర్లక్ష్యం చేయకండి. ఒకవేళ ఇప్పటి వరకు రన్నింగ్ మొదలుపెట్టకపోతే.. ఇవాళ వరల్డ్ రన్నింగ్ డే స్పెషల్ గా స్టార్ట్ చేయండి. ఆల్ ది బెస్ట్ .