బరువు పెరగడానికి ఒత్తిడి ఎలా కారణమవుతుంది ?

హై క్యాలరీలు

ఎక్కువ ఒత్తిడికి లోనవుతున్న వ్యక్తి.. క్యాలరీల విషయంలో కేర్ తీసుకోలేడు. దీనివల్ల ఎక్కువ మొత్తంలో క్యాలరీలు తీసుకోవడం వల్ల బరువు ఈజీగా పెరిగిపోతారు.

భోజనం

శరీరంలో మెటబాలిజం ప్రక్రియ సజావుగా జరగడానికి రోజు మూడుసార్లు భోజనం కంపల్సరీ. కానీ ఒత్తిడికి లోనవుతున్న వ్యక్తి ఉదయం బ్రేక్ పాస్ట్ తీసుకోవడం మానేస్తాడు. దీనివల్ల మధ్యాహ్నం భోజనం ఎక్కువగా తీసుకుంటారు. దీంతో ఒబెసిటీకి కారణమవుతుంది.

ఫుడ్

ఒత్తిడిని అధిగమించడానికి చాలామంది ఆహారం తీసుకుంటూ ఉంటారు. ఒత్తిడికి గురవుతున్న వ్యక్తి నిరాశ, బోర్ ఫీలవుతుంటాడు. దీంతో.. ఏదో ఒకటి తినాలనే ఆసక్తి పెరుగుతుంది. దీంతో అధికంగా తినడం వల్ల బరువు ఆటోమెటిక్ గా పెరుగుతారు.

నిద్రలేమి

ఎక్కువగా ఆలోచించడం వల్ల నిద్రకు భంగం ఏర్పడుతుంది. దీంతో ఆహారం ఎక్కువగా తీసుకుంటారు. ఇది బరువు పెరగడానికి కారణమవుతుంది.

కెఫీన్, సిగరెట్, ఆల్కహాల్

ఒత్తిడిలో ఉన్నప్పుడు ఎక్కువగా కాఫీ, ఆల్కహాల్, స్మోకింగ్ చేస్తుంటారు. ఇవి శరీరంలోని క్యాలరీలు కరగకుండా అడ్డుపడతాయి. దీనివల్ల బరువు పెరగడానికి ఒత్తిడి కారణమవుతుంది.

స్ట్రెస్ హార్మోన్

ఒక వ్యక్తి ఒత్తిడిలో ఉన్నప్పుడు.. కోర్టిసోల్ హార్మోన్ రిలీజ్ అవుతుంది. ఈ హార్మోన్ గ్లూకోజ్ లెవెల్స్ పెంచుతుంది. దీంతో మెటాబాలిజం ప్రక్రియ సాగడానికి అదనపు శక్తి అవసరం అవుతుంది. దీంతో ఫ్యాట్ లెవెల్స్ పెరిగిపోతాయి.

విసెరల్ ఫ్యాట్

ఒత్తిడి కారణంగా విసెరల్ ఫ్యాట్ పెరుగుతుంది. ఇది ఒబేసిటీ, గుండె సంబంధిత వ్యాధులు ఇతర అనారోగ్య సమస్యలకు కారణమవుతుంది.