రైలులో థర్డ్ ఏసీ ప్రయాణంపై కొడుకు ఫిర్యాదు.. జనరల్ కంపార్ట్‌మెంట్ కి తీసుకెళ్లిన తండ్రి.. వీడియో వైరల్

సాధారణంగా ఎప్పుడు ఫస్ట్ క్లాస్ ఏపీ, సెకండ్ క్లాస్ ఏసీలో తన కుటుంబంతో ప్రయాణించేవాడు ఆ బాలుడు. అయితే దీపావళి సమయంలో టిక్కెట్లు దొరక్క తండ్రి థర్డ్ ఏసీలో బుక్ చేయగా..రైలు ఎక్కిన దగ్గర నుంచి థర్డ్ ఏసీలో టిక్కెట్లు బుక్ చేశారని తన తల్లిదండ్రులపై అసహనం వ్యక్తం చేశాడు. దీంతో ఆ తండ్రి తన కుమారుడికి జీవితం అసలు ఎలా ఉంటదో తెలపాలని నిర్ణయించుకున్నారు.

దీపావళి పండుగ సమయంలో అత్యవసర ప్రయాణ ప్రణాళికల కారణంగా తమ కుటుంబం 3AC టిక్కెట్లతో సరిపెట్టుకోవాల్సి వచ్చిందని ఆ తండ్రి ఇన్‌ స్టాగ్రామ్ ‌లో షేర్ చేసిన వీడియో ద్వారా వివరించారు. హై క్లాస్ సౌకర్యాలకు అలవాటుపడిన తన కుమారుడికి, సామాన్య ప్రయాణికుల కష్టసుఖాలను చూపించాలని ఆయన భావించారు.

Boy Complains About 3AC Coach Father Takes Him to General Compartment Viral Video

ఇందులో భాగంగానే తన కొడుకును తీసుకుని నేరుగా రైలులోని జనరల్ కంపార్ట్‌మెంట్‌ లోకి నడిచారు. ఆ వీడియోలో కిక్కిరిసిన సాధారణ కోచ్‌ లో ప్రయాణికులు బెర్త్‌ లపై, నేలపైన, చివరికి బాత్రూమ్ ల దగ్గర కూర్చుని, పడుకుని ఉండగా ఆ చిన్న బాలుడు ఆ రద్దీ గుండా నడుస్తూ ఉండటం బాలుడు తండ్రి షేర్ చేసిన వీడియోలో చూడవచ్చు. ఎంతో అవగాహన ఉన్న తన బిడ్డకు ఒక కొత్త దృక్కోణాన్ని అందించాలనే తాను ఈ పని చేశానని, తాను చూపించాలనుకున్న దానిపై ఆ బాలుడు కూడా అంతే ఆసక్తి కనబరిచాడని ఆయన తెలిపారు.

సౌకర్యాలు, పరిస్థితులు అనేవి ఇతరులతో మనం ఎలా ప్రవర్తించాలో ఎన్నటికీ నిర్ణయించకూడదని ఆ తండ్రి తన కుమారుడికి అర్థమయ్యేలా చెప్పారు. ప్రతి జీవితం సమానమే, ప్రతి ఒక్కరూ ఒకే గౌరవానికి అర్హులు అని తాను ఎప్పుడూ గుర్తుచేస్తుంటానని ఆయన అన్నారు. సంపద, సామాజిక హోదా శాశ్వతం కాదని వివరిస్తూ.. 300 ఏళ్ల క్రితం రైతులు సంపన్నులుగా ఉండేవారని, శ్రామిక వర్గాన్ని సేవకుల్లా చూసేవారని గుర్తుచేశారు.

ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి..ఒక్క లిప్ కిస్ ప్లీజ్.. విదేశీ యూట్యూబర్ తో మనోడు వెకిలి చేష్టలు, వీడియో చూడండి..

కాలక్రమేణా మారే విధానాలతో సమాజంలో ధనిక, పేద నిర్వచనాలు మారుతాయని, వందేళ్ల తర్వాత పరిస్థితి ఎలా ఉంటుందో ఎవరూ ఊహించలేరని తెలిపారు. ఈ ప్రపంచంలో ప్రతి ఒక్కరూ ఒకరి కంటే ధనవంతులుగా, మరొకరి కంటే పేదలుగా ఉంటారని వివరించారు. ధనవంతులు సైతం అర్థంపర్థం లేకుండా మాట్లాడటం తాను చూశానని, కానీ పల్లెటూరి పిల్లలు మాత్రం ఎంతో తెలివైనవారిలా కనిపిస్తారని ఆయన అభిప్రాయపడ్డారు. ఈ ప్రపంచానికి ప్రతి ఒక్కరూ సమానంగా తోడ్పడతారని ఆ బాలుడికి బోధించారు.

నిజ జీవిత అనుభవం ద్వారా కొడుకుకు సానుభూతి, వినయం నేర్పించిన ఆ తండ్రి పెంపకంపై సోషల్ మీడియా వినియోగదారులు ప్రశంసల వర్షం కురిపిస్తున్నారు. ఇది ఖచ్చితంగా మంచి పెంపకానికి నిదర్శనమని నెటిన్లు కామెంట్లు చేస్తున్నారు.

Story first published: Tuesday, November 17, 2026, 20:27 [IST]
Desktop Bottom Promotion