Parents' day 2022: ఈ రోజును మర్చిపోలేని మధురజ్ఞాపకం చేసేద్దాం

పేరెంట్స్ డే చరిత్ర

మనం సమస్యను ఎదుర్కొన్న ప్రతిసారీ... ప్రతి ఒక్కరూ కోరుకునేది ఏమిటంటే.. తమ కుటుంబం తమకు అండగా ఉండాలని.వారి నుండి మద్దతు ఆశిస్తారం. కుటుంబ సభ్యులు మన వెనక ఉండి నడిపిస్తే అదో రకమైన ధీమా, ధైర్యం ఉంటుంది. మనం పడిపోతే పట్టుకుంటారు, గాయాలు కాకుండా చూసుకుంటారన్న విశ్వాసం ఉంటుంది. ఈ విశ్వాసం ఉంటే ఎలాంటి భయం, బెరుకు లేకుండా ముందుకు సాగుతాం. జీవితంలోనూ అంతే వేగంగా ఎదుగుతాం. కుటుంబం అందించే ధీమా మరెవరూ అందించలేరు. తల్లిదండ్రులు ఇచ్చే ప్రోత్సాహం మరెవరూ ఇవ్వలేరు. వారిచ్చి భరోసా ఎక్కడా దొరకదు. 1994లో మాజీ అధ్యక్షుడు బిల్ క్లింటన్ కాంగ్రెస్ తీర్మానంపై సంతకం చేయడం ద్వారా పేరెంట్స్ దినోత్సవాన్ని చట్ట ప్రకారం జరుపుకుంటున్నారు.

మొదట ఎక్కడ ప్రారంభమైంది?

తల్లిదండ్రుల దినోత్సవం అనేది మొదట యునైటెడ్ స్టేట్స్‌లో ప్రారంభమైంది. మొదటి పేరెంట్స్ డే మరుసటి సంవత్సరం జూలై 28, 1995న జరుపుకున్నారు. నేషనల్ ఆర్కైవ్స్ వెబ్‌సైట్ ప్రకారం, ఈ రోజు మొదటి నేషనల్ పేరెంట్స్ ఆఫ్ ది ఇయర్ అవార్డు ద్వారా కూడా గుర్తించబడింది. దీనిని మిస్టర్ క్లింటన్ స్వయంగా అందజేశారు. ఈ రోజును స్మరించుకోవడం వెనుక ఉన్న కారణం తల్లిదండ్రుల విధులు మరియు సూక్ష్మ నైపుణ్యాలకు నివాళులు అర్పించడం. ఈ రోజు తమ పిల్లల జీవితాలకు తల్లిదండ్రుల సహకారం పట్ల సమాజం యొక్క గౌరవాన్ని ప్రదర్శిస్తుంది మరియు పిల్లలను పెంచడంలో పడిన శ్రమను అభినందిస్తుంది.

పిల్లలు తమ తల్లిదండ్రులకు నివాళులు అర్పించేందుకు తల్లిదండ్రులతో నాణ్యమైన సమయాన్ని గడపవచ్చు. నేషనల్ పేరెంట్స్ డే జరుపుకోవడానికి ఇక్కడ కొన్ని మంచి మార్గాలు ఉన్నాయి: పేరెంట్స్ డేని ఇలా జరుపుకోండి

1. తల్లిదండ్రులకు తగిన గౌరవం ఇస్తున్నామని, వారంటే మీకు ఎంతో ప్రేమ ఉందని కృతజ్ఞతా పూర్వకంగా చెప్పాలి

2. తల్లిదండ్రులు మీ సమయం తప్ప మరేమీ అడగరు. కాబట్టి, మీ తల్లిదండ్రులతో తగినంత సమయం గడపడానికి వీలు కల్పించుకోండి. అలాగే దూర ప్రాంతాల్లో ఉన్న వారు తమ తల్లిదండ్రుల వద్దకు వెళ్లి కలవండి.

3. మీరు రెస్టారెంట్, గార్డెన్, మ్యూజియం, చిన్న విహార యాత్రకు తీసుకువెళ్లండి. వారికి ఏది ఇష్టమో అది చేసి వారిని ఆనందపరచండి. ఏదైనా ట్రిప్ కు ప్లాన్ వేసి వారిని ఆశ్చర్యపరచవచ్చు.

4. వారిని కొన్ని సాహస క్రీడలకు తీసుకెళ్లండి.

5. కుటుంబ విహారయాత్రకు ప్లాన్ వేయండి.

6. వారికి రుచికరమైన విందును సిద్ధం చేయండి.

7. బయటకు తీసుకు వెళ్లి సినిమా చూపించండి.

8. వారికి బహుమతి ఇవ్వండి. అది ఏదైనా కావొచ్చు.. స్వీట్లు, పువ్వులు, చాక్లెట్లు, చేతి గడియారం, హ్యాండ్‌బ్యాగ్, వారికి ఇష్టమైన పాటల సేకరణ, కార్డ్‌లు, కేక్ మొదలైనవాటిని బహుమతిగా ఇవ్వండి.

9. మీ ఇంటిని శుభ్రపరచండి మరియు ఇంటి పనులను చేయడం ద్వారా వారికి విశ్రాంతి ఇవ్వండి.

10. వారి సమస్యలను వినండి. వాటిని అర్థం చేసుకోండి. వారిని ఒత్తిడి లేకుండా చేయడానికి ప్రయత్నించండి.

11. పాత కుటుంబ చిత్రాలు మరియు వీడియోలను కలిసి చూడండి.

ప్రతి రోజూ తల్లిదండ్రుల దినోత్సవం లాగే ఉండండి. మీ విషయంలో పేరెంట్స్ ఎప్పుడూ సెలవు తీసుకోరు. కాబట్టి వారి త్యాగాలను గుర్తించడానికి, వారిని సంతోషంగా చూసుకోవడానికి ఒక్క రోజు సరిపోదని గుర్తించండి. మీరు మీ తల్లిదండ్రులను ఎంతగా ప్రేమిస్తున్నారో వారికి తెలిసేలా చేయండి. ప్రేమ అనేది ఎప్పుడైనా వ్యక్తీకరించాలి.. అప్పుడే వారికి తెలుస్తుంది.