వాస్తవిక సంఘటన: ఫ్లైట్ లో ఇయర్ ఫోన్స్ కాలినా...అద్రుష్ట వశాత్తు ప్రాణాలతో బయటపడింది..!

అసలే సమాజంలో సరైన బద్రత లేదని ప్రజలు ఏడుస్తుంటే.. వినోదం కోసం వాడుకునే వస్తువులు కూడా మనకి హాని కలిగిస్తున్నాయి.

బీజింగ్ నుంచి మెల్‌బోర్న్ వెళుతున్న విమానంలో ఓ యువతి మ్యూజిక్ వినేందుకు హెడ్‌ఫోన్స్ పెట్టుకుంది.

మ్యూజిక్ వింటూ అలా నిద్రలోకి జారుకుంది.. అంతే ఒక్కసారిగా ఏదో పేలిన శభ్ధం వినిపించింది. ఆ షాక్ నుంచి బయటపడేలోపే ఆమె ముఖం పై మంటలు రావడం, హెడ్ ఫోన్ కాలిపోతుండడం చూసి చెమటలు పట్టేసాయి.

వెంటనే అవి తీసి పక్కకు పడేసింది. అప్రమత్తమైన సిబ్బంది ఓ బకెట్‌తో నీళ్లు పోసి మంటలను ఆర్పేశారు. ఈలోగానే బ్యాటరీ మొత్తం కరిగిపోయి ఫ్లోర్ కి అంటుకుపోయింది.

ఈ సంఘటనతో తన ముఖం, మెడ మసిబొగ్గులాగా తయారయ్యాయనీ... విమానంలో ప్రయాణిస్తున్న వారంతా దారి పొడవునా దగ్గుతూనే ఉన్నారని సదరు యువతి పేర్కొంది. సోషల్ మీడియాలో తన ఫోటోను కూడా విడుదలచేసింది.