డౌన్ సిండ్రోమ్ తో బాధపడుతున్న ఒక ఏడేళ్ల బాలిక ప్రతిభను ఏమని పొగడాలి?

పుట్టుకతో డౌన్ సిండ్రోమ్ కలిగిన ఒక ఏడేళ్ల బాలిక, పిల్లల మోడలింగ్ ను తన వృత్తిగా మలచుకుని విజయపథంలో నడుస్తోంది అంటే మీరు నమ్మగలరా?

ఈ అసాధ్యాన్ని సుసాధ్యం చేసింది చెషైర్ కు చెందిన గ్రేస్ ఇసాబెల్లా వార్టన్. గత సంవత్సరం ఆమె ఒక సంస్థతో కలసి పని చేయడానికి ఒప్పందంపై సంతకం చేసింది మరియు డిస్నీ మరియు సిబీబీస్ ల మోడలింగ్ ఉత్పత్తులు కొన్నింటికి ఇప్పటికే పని చేసింది.

ఈ పాఠశాల వయస్సులోని చిన్నారి, 'బిహైండ్ ది స్కార్స్'గా పిలవబడే ఒక వైవిధ్యతా ప్రచారంలో కూడా నటించింది. ఇంస్టాగ్రామ్ లో ఈమెకు వెయ్యి మందికి పైగా అనుచరులు ఉన్నారు.

ఒక వ్యక్తి జీవితంలోని కనీస ప్రాధమిక అంశాలను గణనీయంగా ప్రభావితం చేసే డౌన్ సిండ్రోమ్ తో జన్మించినప్పటికీ, ఆమె తన తల్లిదండ్రులయిన చెరిల్ మరియు జాన్ వార్టన్ సహాయంతో, డౌన్ సిండ్రోమ్ తన జీవితాన్ని శాసించకుండా తీర్చిదిద్దుకుంది.

గ్రేస్ తల్లి చిన్నతనం నుండి, గ్రేస్ ఇతరులు ధ్యాస తనపై నిలపాలని కోరుకోవడం మరియు కెమెరా ముందు నిలిచి ఉండటాన్ని ఆమె ప్రేమించడం, గమనించింది. అప్పటి నుండి గ్రేస్ కు వెనుతిరిగి చూడవలసిన అవసరం రాలేదు. ఆమె కెమెరా ముందుకు వచ్చిన ప్రతిసారీ, ఆమెలోని ఆత్మవిశ్వాసం మరియు చిరునవ్వు పుంజుకుంటాయి .

దీనితో పాటుగా, గ్రేస్ తన పాఠశాలలో కూడా మంచి ప్రతిభ కనపరుస్తుంది. తన తరగతిలోని అత్యంత ప్రసిద్ధ విద్యార్థులలో ఆమె ఒకరు.