శవాల ముక్కు, చెవుల్లో దూది ఎందుకు పెడతారో తెలుసా? గరుడ పురాణం ఏం చెబుతోంది?

మనిషి సహా ఈ భూమ్మీద పుట్టిన ప్రతి జీవి ఏదో ఒక రోజు మరణించాల్సిందే. అయితే హిందూ సాంప్రదాయాల్లో అంత్యక్రియల సమయంలో చనిపోయిన వ్యక్తి ముక్కు, చెవుల్లో దూది ఎందుకు పెడతారని ఎప్పుడైనా ఆలోచించారా?

ఇది గుడ్డిగా పాటించే ఆచారం కాదు, దీని వెనుక అటు ఆధ్యాత్మికతతో పాటు ఇటు బలమైన శాస్త్రీయ కారణాలు కూడా దాగి ఉన్నాయి. మరణ రహస్యాలను వెల్లడించే గరుడ పురాణం దీని గురించి ఏం చెబుతోంది? సైన్స్ ఏమంటోందో ఇక్కడ చూడండి.

గరుడ పురాణం ఏం చెబుతోంది?

హిందూ ధర్మం ప్రకారం.. ఈ భౌతిక శరీరం కేవలం ఆత్మకు ఒక తాత్కాలిక నివాసం మాత్రమే. మరణం తర్వాత ఆత్మ ప్రయాణం ఎలా సాగుతుందో, మృతదేహాన్ని ఎలా భద్రపర్చాలో గరుడ పురాణం వివరిస్తుంది.

నవ ద్వారాల మూసివేత: మనిషి శరీరంలో మొత్తం తొమ్మిది ప్రధాన ద్వారాలు (నవ రంధ్రాలు) ఉంటాయి. ఒక వ్యక్తి చనిపోయినప్పుడు, వారి కర్మలను బట్టి ఆత్మ ఈ తొమ్మిదింటిలో ఏదో ఒక మార్గం గుండా శరీరాన్ని వీడుతుందని పురాణాలు చెబుతున్నాయి. ప్రాణం పోగానే ఆ దేహం శూన్యంగా మారుతుంది. అప్పుడు బయట తిరిగే దుష్ట శక్తులు, ప్రతికూల ప్రకంపనలు (రజో, తమో గుణాలు) ఆ శరీరంలోకి ప్రవేశించకుండా అడ్డుకోవడానికే ముక్కు, చెవుల్లో దూది పెడతారు.

పవిత్రత, పరిశుభ్రత: ప్రాణం లేని దేహం చాలా త్వరగా నెగెటివ్ ఎనర్జీని ఆకర్షిస్తుంది. దహన సంస్కారాలు పూర్తై దేహం పంచభూతాల్లో కలిసేవరకు దాని పవిత్రతను కాపాడటం దీని ముఖ్య ఉద్దేశం. అలాగే అంత్యక్రియలు, పూజలు చేసే కుటుంబ సభ్యులు, పురోహితులకు మృతదేహం నుంచి కారే ద్రవాల వల్ల ఇబ్బంది కలగకుండా, పరిశుభ్రతను కాపాడేందుకు ఇది సహాయపడుతుంది.

అద్దెకు దిగిన ఆంటీతో ఎఫైర్.. హెచ్ఐవీ సోకి ఇద్దరు అన్నదమ్ముల మృతి!..ఆమెతో పరిచయం ఉన్నవాళ్లంతా..

శాస్త్రీయ కారణాలు ఏం చెబుతున్నాయి?

ప్రాణం పోయిన తర్వాత శరీరంలో ఎన్నో జీవసంబంధమైన మార్పులు వేగంగా జరుగుతాయి. ఈ క్రమంలో దూది ఎన్నో రకాలుగా ఒక అద్భుతమైన రక్షణ కవచంలా పనిచేస్తుంది.

ద్రవాలు బయటకు రాకుండా: మనిషి చనిపోయిన కొన్ని గంటలకే శరీరంలోని కండరాలన్నీ సడలిపోతాయి. జీర్ణకోశం, శ్వాసకోశాల్లో సహజంగా ఉండే బ్యాక్టీరియా వల్ల గ్యాస్ ఉత్పత్తి అవుతుంది. దీనివల్ల లోపల ఒత్తిడి పెరిగి, అన్నవాహిక, ముక్కు, చెవుల ద్వారా శరీర ద్రవాలు బయటకు కారడం మొదలవుతుంది. ముక్కు, చెవుల్లో పెట్టే దూది వీటిని సమర్థవంతంగా అడ్డుకుంటుంది.

దుర్వాసనను అరికట్టడం: గుండె ఆగిపోయిన తర్వాత శరీరంలో బ్యాక్టీరియా కుళ్ళిపోయే ప్రక్రియను వేగవంతం చేస్తుంది. దీనివల్ల విపరీతమైన దుర్వాసనతో కూడిన వాయువులు విడుదలవుతాయి. దూదితో మూసివేయడం వల్ల ఆ వాయువులు బయటకు రాకుండా తాత్కాలికంగా శరీరంలోనే నిలిచిపోతాయి.

కీటకాల నుంచి రక్షణ: శరీరం నిర్జీవంగా మారిన కొద్ది నిమిషాలకే తేమ, ద్రవాల వాసనకు ఈగలు, ఇతర కీటకాలు ఆకర్షించబడతాయి. అవి రంధ్రాల ద్వారా లోపలికి వెళ్లి గుడ్లు పెట్టే ప్రమాదం ఉంది. ఈ ముప్పు నుంచి మృతదేహాన్ని రక్షించడానికి, గాలి ద్వారా వ్యాపించే బ్యాక్టీరియాను అడ్డుకోవడానికి దూది ఒక మంచి అడ్డంకిలా పనిచేస్తుంది.