Latest Updates
-
అద్దిరిపోయే రుచితో కీమా చికెన్ సల్నా.. ఒక్కసారి తింటే మళ్ళీ మళ్ళీ కావాలంటారు! -
మిగిలిపోయిన అన్నంతో అద్భుతమైన టమాటా వెల్లుల్లి రైస్..బ్యాచిలర్స్ కు పండగే పండగ -
ముల్లంగి ఆకులతో ఇలా పకోడీ చేసి చూడండి..లొట్టలేసుకుంటూ తింటారు! -
భారతదేశంలో తొలి సూర్యోదయం ఎక్కడ కనిపిస్తుందో తెలుసా? -
ఉల్లి, వెల్లుల్లి లేకుండానే అద్భుతమైన రుచి..హిమాచల్ ప్రదేశ్ స్పెషల్ మటర్ పనీర్ మీ ఇంట్లోనే చేసుకోండిలా.. -
పొట్ట ఉబ్బరం, గ్యాస్ట్రిక్ నొప్పి ఉన్నప్పుడు.. ఇవి తీసుకుంటే చిటికెలో రిలీఫ్ -
రెస్టారెంట్ స్టైల్ చికెన్ వెల్లుల్లి రైస్.. తక్కువ సమయంలోనే అద్భుతమైన రుచి -
టిక్కెట్ లేకుండా ప్రయాణం..చెకింగ్ కి భయపడి డోర్ లాక్..కదులుతున్న రైలు బయట వేలాడిన టీటీఈ! -
20 నిమిషాల్లో చక్కెర, ప్రిజర్వేటివ్స్ లేని పీనట్ బటర్..ప్రోటీన్, పోషకాలతో నిండిన ఆరోగ్యకరమైన అల్పాహారం -
ఐరన్ లోపం, జుట్టు, చర్మ సమస్యలకు మేలు చేసే మునగ సూప్.. ఇంట్లోనే ఈజీగా చేసేయండిలా!
ముద్దపప్పు, వేడి వేడి అన్నంలోకి అమృతంలాంటి మామిడికాయ పచ్చి పులుసు..ఇలా చేస్తే రుచి అద్భుతం!
పచ్చళ్ళు, పప్పుల తర్వాత మామిడికాయతో చేసే అత్యంత రుచికరమైన, పల్లెటూరి వంటకం మామిడికాయ పచ్చి పులుసు. నిప్పుల మీద కాల్చిన మామిడికాయల నుండి వచ్చే ఆ పొగ వాసన, నోరూరించే పులుపు, కొద్దిగా కారం, మధ్యలో తగిలే బెల్లం తీపి కలగలిసి అమృతంలా ఉంటుంది.
ఉక్కబోసే ఎండాకాలంలో శరీరానికి ఎంతో చలువచేసే ఈ పచ్చి పులుసును వేడి వేడి అన్నం, ముద్దపప్పుతో కలిపి తింటే ఆ మజానే వేరు. ఇంట్లొనే ఈజీగా మామిడికాయ పచ్చి పులసు ఎలా తయారుచేసుకోవాలో ఇక్కడ చూడండి.

మామిడికాయ పచ్చి పులుసు తయారీకి కావాల్సిన పదార్థాలు
పచ్చి మామిడికాయలు - 2
పచ్చిమిర్చి - 2
ఎండుమిర్చి - 2
వెల్లుల్లి రెబ్బలు - 4
జీలకర్ర - 1 టీస్పూన్
ఉల్లిపాయ ముక్కలు - పావు కప్పు
బెల్లం తురుము - 2 టేబుల్ స్పూన్లు
ఉప్పు - రుచికి సరిపడా
నీళ్లు - అర కప్పు నుండి ఒక కప్పు వరకు
కొత్తిమీర - 2 టేబుల్ స్పూన్లు
నూనె - 2 టీస్పూన్లు
ఆవాలు - అర టీస్పూన్
జీలకర్ర - అర టీస్పూన్
ఎండుమిర్చి - 2
కరివేపాకు - రెండు రెమ్మలు
మామిడికాయ పచ్చి పులుసు తయారీ విధానం
-ముందుగా స్టవ్ ఆన్ చేసి (లేదా నిప్పుల మీద), పచ్చి మామిడికాయలను నేరుగా మంట మీద కాల్చాలి. కాయల మీద ఉన్న చెక్కు (తోలు) నల్లగా మాడి, లోపల గుజ్జు మెత్తబడే వరకు అటూ ఇటూ తిప్పుతూ సమానంగా కాల్చుకోవాలి. అదే మంట మీద పచ్చిమిర్చి, ఎండుమిర్చిని కూడా కాస్త నల్లబడే వరకు కాల్చి పక్కన పెట్టుకోవాలి. కాయలు బాగా కాలిన తర్వాత వాటిని పూర్తిగా చల్లారనివ్వాలి.
-ఇప్పుడు ఒక చిన్న రోలు తీసుకుని.. అందులో జీలకర్ర, వెల్లుల్లి రెబ్బలు, మనం ముందుగా కాల్చి పెట్టుకున్న పచ్చిమిర్చి, ఎండుమిర్చి వేసి కచ్చాపచ్చాగా దంచుకోవాలి. దీన్ని మిక్సీలో వేసి మెత్తని పేస్ట్ లా చేయకూడదు. రోట్లో బరకగా దంచుకుంటేనే అసలైన రుచి వస్తుంది.
-మామిడికాయలు పూర్తిగా చల్లారిన తర్వాత, వాటిపైన ఉన్న నల్లటి మాడిన చెక్కును నిదానంగా వలిచేయాలి. లోపల మెత్తగా ఉడికిన గుజ్జును ఒక వెడల్పాటి గిన్నెలోకి తీసుకుని, చేత్తో బాగా మెదుపుకోవాలి. మామిడి టెంకకు ఉన్న గుజ్జును కూడా వదలకుండా తీసుకోండి.
-ఇప్పుడు ఈ మామిడికాయ గుజ్జులో మనం ముందుగా రోట్లో దంచి పెట్టుకున్న వెల్లుల్లి-మిర్చి పేస్ట్, సన్నగా తరిగిన ఉల్లిపాయ ముక్కలు, బెల్లం, రుచికి సరిపడా ఉప్పు వేసి చేత్తోనే బాగా కలపాలి. ఇందులో మీ రుచికి తగినట్లుగా నీళ్లు పోసి పల్చటి పులుసులా కలుపుకోవాలి.
-ఆ తర్వాత సన్నగా తరిగిన తాజా కొత్తిమీరను కూడా వేసి మరోసారి బాగా కలుపుకోవాలి. ఒకసారి రుచి చూసుకుని అవసరమైతే ఉప్పు లేదా బెల్లం కలుపుకోవచ్చు.
-ఇప్పుడు పులుసుకు ప్రాణం పోసే తాలింపు రెడీ చేసుకోవాలి. ఇందుకోసం స్టవ్ మీద చిన్న కడాయి పెట్టి, నూనె వేడి చేయాలి. నూనె వేడెక్కాక ఆవాలు, జీలకర్ర వేసి చిటపటలాడనివ్వాలి. ఆ వెంటనే ఎండుమిర్చి, కరివేపాకు వేసి దోరగా వేయించాలి.
-గ్యాస్ ఆఫ్ చేసి ఈ వేడి వేడి తాలింపును నేరుగా సిద్ధం చేసి పెట్టుకున్న మామిడికాయ పచ్చి పులుసులో వేసి గరిటతో నెమ్మదిగా కలుపుకోవాలి.
-అంతే ఘుమఘుమలాడే పల్లెటూరి మామిడికాయ పచ్చి పులుసు రెడీ. ఈ పులుసును వేడి వేడి అన్నంలో, ముద్దపప్పు, కొద్దిగా కరిగించిన నెయ్యి వేసుకుని కలుపుకుని తింటే.. ప్రతి ముద్దా అమృతంలా గొంతులోకి జారిపోతుంది.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
