Latest Updates
-
అద్దిరిపోయే రుచితో కీమా చికెన్ సల్నా.. ఒక్కసారి తింటే మళ్ళీ మళ్ళీ కావాలంటారు! -
మిగిలిపోయిన అన్నంతో అద్భుతమైన టమాటా వెల్లుల్లి రైస్..బ్యాచిలర్స్ కు పండగే పండగ -
ముల్లంగి ఆకులతో ఇలా పకోడీ చేసి చూడండి..లొట్టలేసుకుంటూ తింటారు! -
భారతదేశంలో తొలి సూర్యోదయం ఎక్కడ కనిపిస్తుందో తెలుసా? -
ఉల్లి, వెల్లుల్లి లేకుండానే అద్భుతమైన రుచి..హిమాచల్ ప్రదేశ్ స్పెషల్ మటర్ పనీర్ మీ ఇంట్లోనే చేసుకోండిలా.. -
పొట్ట ఉబ్బరం, గ్యాస్ట్రిక్ నొప్పి ఉన్నప్పుడు.. ఇవి తీసుకుంటే చిటికెలో రిలీఫ్ -
రెస్టారెంట్ స్టైల్ చికెన్ వెల్లుల్లి రైస్.. తక్కువ సమయంలోనే అద్భుతమైన రుచి -
టిక్కెట్ లేకుండా ప్రయాణం..చెకింగ్ కి భయపడి డోర్ లాక్..కదులుతున్న రైలు బయట వేలాడిన టీటీఈ! -
20 నిమిషాల్లో చక్కెర, ప్రిజర్వేటివ్స్ లేని పీనట్ బటర్..ప్రోటీన్, పోషకాలతో నిండిన ఆరోగ్యకరమైన అల్పాహారం -
ఐరన్ లోపం, జుట్టు, చర్మ సమస్యలకు మేలు చేసే మునగ సూప్.. ఇంట్లోనే ఈజీగా చేసేయండిలా!
నోట్లో వేస్తే వెన్నలా కరిగిపోయే మ్యాంగో బర్ఫీ..కోవా అక్కర్లేకుండానే ఇంట్లోనే ఈజీగా చేసుకోండిలా!
మామిడి పండును ముక్కలుగా కోసుకుని తినడమే కాకుండా, వాటితో ఎన్నో రకాల కమ్మటి వంటకాలు తయారు చేసుకోవచ్చు. సాధారణంగా వేసవిలో మనం ఇంట్లో మామిడి పండ్లతో జ్యూస్, మిల్క్ షేక్ లేదా ఐస్ క్రీమ్ వంటివి చేస్తూ ఉంటాం. కానీ ఎప్పుడైనా మ్యాంగో బర్ఫీ గురించి విన్నారా? అద్భుతమైన రుచితో, నోట్లో వేసుకోగానే వెన్నలా కరిగిపోయే మామిడి బర్ఫీ కోవా అవసరం లేకుండానే ఇంట్లోనే ఈజీగా ఎలా తయారు చేసుకోవాలో ఇక్కడ చూడండి.

మ్యాంగో బర్ఫీ తయారీకి కావాల్సిన పదార్థాలు
మామిడి పండు గుజ్జు - 1 కప్పు
పాలు - అర కప్పు
శనగపిండి (లేదా గోధుమ పిండి) - అర కప్పు
పంచదార - 1 కప్పు
నెయ్యి - అర కప్పు
యాలకులు - 3 లేదా 4
బొంబాయి రవ్వ (సూజీ) - 1 లేదా 2 టేబుల్ స్పూన్లు
తరిగిన పిస్తా- అలంకరణ కోసం
మ్యాంగో బర్ఫీ తయారీ విధానం
-ముందుగా బాగా పండిన, తీయగా ఉండే మామిడి పండును ఎంచుకోవాలి. పుల్లటి కాయ అయితే బర్ఫీ రుచి మారిపోతుంది. మామిడికాయను శుభ్రంగా కడిగి, లోపలి గుజ్జును తీసుకోవాలి.
-ఒక మిక్సీ జార్ లో ఒక కప్పు మామిడి గుజ్జు, అర కప్పు పాలు జత చేసి మెత్తని పేస్ట్ లాగా గ్రైండ్ చేసుకోవాలి.
-ఒక వెడల్పాటి గిన్నెలో అర కప్పు శనగపిండి వేయాలి. శనగపిండికి బదులుగా గోధుమ పిండిని కూడా వాడొచ్చు. ఈ శనగపిండిలో మిక్సీ పట్టుకున్న మామిడి గుజ్జును వేసి, ఎక్కడా చిన్న ఉండలు లేకుండా చాలా మృదువుగా కలపాలి.
-స్టవ్ మీద మందపాటి అడుగు ఉన్న ఒక నాన్ స్టిక్ పాన్ లేదా కడాయి పెట్టి అందులో అర కప్పు నెయ్యి వేసి వేడి చేశాక అందులో ముందుగా కలిపి పెట్టుకున్న పిండి-మామిడి మిశ్రమాన్ని వేసి తక్కువ మంట మీద అడుగు మాడకుండా గరిటెతో కలుపుతూనే వేయించాలి.
-పిండి పచ్చివాసన పోయేలా కొద్దిసేపు వేయించిన తర్వాత ఆ మిశ్రమంలో 1-2 టేబుల్ స్పూన్ల బొంబాయి రవ్వ వేసి కలపాలి. మిశ్రమం కాస్త దగ్గరపడి, పొడిగా మారుతున్న సమయంలో ఒక కప్పు పంచదారలో యాలకులు వేసి మెత్తగా పొడి చేసి, ఆ పొడిని పాన్ లో వేసి బాగా కలపాలి.
-పంచదార కరిగి మిశ్రమం అంతా దగ్గరపడి, పాన్ నుండి నెయ్యి వదులుతూ, ఒక ముద్దలాగా మారుతుంది. సుమారు 4-5 నిమిషాల పాటు ఇలా ఉడికించాక స్టవ్ ఆపేయండి. ఇప్పుడు ఒక పళ్ళెం తీసుకుని, దానికి కొద్దిగా నెయ్యి రాసి, ఈ వేడి మిశ్రమాన్ని సమానంగా స్ప్రెడ్ చేయండి. పైన సన్నగా తరిగిన పిస్తా పప్పులను చల్లి, కాస్త నొక్కండి.
-దీనిని 20 నిమిషాల పాటు పక్కన పెట్టేసి గట్టిపడనివ్వాలి. ఆ తర్వాతమీకు నచ్చిన షేపులో ముక్కలుగా కట్ చేసుకోండి.
-అంతే ఎంతో కమ్మని మ్యాంగో బర్ఫీ రెడీ.
Boldsky బ్రేకింగ్ న్యూస్ అలర్ట్స్ కోసం | Subscribe to Telugu Boldsky.



Click it and Unblock the Notifications
