కూర్చుని ‘లాగిస్తునే’... ఉంటారు..!!

Non Veg

oi-Sivanjaneyulu Bommu

By Sivanjaneyulu Bommu

Published: Sunday, September 4, 2011, 12:17 [IST]

నోరూరించే వంటకాలంటే మనవేనండి..!! రోజుకో వెరైటీ చొప్పున సంవత్సరాల తరబడి కొత్త కొత్త రుచులను ఆస్వాదించవచ్చు. పేరు వినగానే లాలాజలం ఊరే 'చిల్లీ చికెన్' వంటంకం మీ అందరికి సుపరిచితమే. హోటళ్లు, రెస్టారెంట్లు, న్యూడిల్ సెంటర్లలో దొరికే ఈ స్పైసీ వంటకాన్ని ఉల్లిపాయతో నంచుకుంటూ తెగ లాగించేస్తుంటారు. 'చైనా' నుంచి సంక్రమించిన ఈ వంటకం దేశంలోని అన్ని మూలలకు విస్తరించింది. సుప్రసిద్ధమైన వంటాకాన్ని కేవలం చేయితిరిగిన 'కుక్'లు మాత్రమే చేయగలరనుకుంటే పొరపాటే. స్వల్ప వ్యవధిలోనే మీ కిచెన్ రూమ్ లో తాపీగా తయారు చేసుకోవచ్చు. అది ఏలాగో ఇప్పుడు చూద్దాం....

కావల్సిన పదార్థాలు:

- బోన్ లెస్ చికెన్ 500 గ్రాములు (చిన్నిచిన్న ముక్కులుగా కట్ చేసుకోవాలి)
- పేలాల పిండి 4 టేబుల్ స్పూన్లు,
- పచ్చిమిరపకాయలు 4 ( సన్నగా తరుగుకోవాలి),
- సోయా సాస్ 4 టేబుల్ స్పూన్లు,
- టమాటా సాస్ 2 టేబుల్ స్పూన్లు,
- ఉల్లిపాయలు 2 ( సన్నగా తరిగినవి),
- వెల్లులి రెబ్బలు 6 ( సన్నగా తరుగుకోవాలి),
- ఉల్లికోళ్లు 4 (ముక్కలుగా కోసుకోవాలి).
- బెంగుళూరు మిరిపకాయ 1 (సన్నటి ముక్కలుగా కోసుకోవాలి),
- అల్లం, వెల్లులి పేస్ట్ 2 టీ స్పూన్లు,
- ఆలివ్ ఆయిల్ 4 టేబుల్ స్పూన్లు,
- చైనా గ్రాస్
- సాల్ట్ తగినంత,

తయరీ విధానం :

- తొలత మాంసపు ముక్కలను అల్లం, వెల్లులి మిశ్రమంలో సాల్ట్ ను కలిపి నానబెట్టుకోవాలి.
- గిన్నెలోకి కొద్దిగా నీరు తీసుకుని అందులో పేలాల పిండిని వేసి తరుగుకున్న సగం పచ్చిమిర్చి ముక్కలను వేయాలి. తరువాత మాంసపు ముక్కలను వేసి కలుపుకోవాలి.
- లోతైన పాన్ లో నూనెను వేడి చేసుకుని చికెన్ ముక్కలను వేయించి పక్కనపెట్టకోండి.
- అనంతరం తరుగుకున్న ఉల్లిముక్కలను బంగారు రంగు వచ్చేంత వరకు వేయించి, అందులో వెల్లులి రెబ్బలను కలిపి తాలింపు పెట్టుకోండి. అనంతరం తరుగుకున్న ఉల్లికోళ్లతో పాటు బెంగుళూరు మీర్చి, మిగిలిన పచ్చిమిర్చి తరుమును వేసి రెండు నిమిషాల పాటు వేయించండి.
- తరవాత ఉడుకుతున్న మిశ్రమంలో టమోటో సాస్, సోయా సాస్ లను వేసి ఉడికించికండి. బాగా ఉడికిన తరువాత ఫ్రై చేసుకుని సిద్ధంగా ఉంచుకున్న చికెన్ ముక్కలను వేసి 4 నిమిషాల పాటు ఉడికించుకోండి.
- ఉడుకుతున్న మిశ్రమంలో 1 కప్పు నీటితో పాటు చైనా గ్రాస్ మరియు సాల్ట్ ను కలపండి.
- పాన్ పై మూతపెట్టి 10 నిమిషాలు తక్కువ వేడిలో ఉడికించుకోండి, ముక్కలు బాగా ఉడికిన తరువాత పాన్ లో నీరు ఆవిరయ్యేందుకు వేడిమిని కాస్త పెంచుకోండి.
- అంతే.. మీరు ఎదురుచూస్తన్న 'చిల్లీ' చికెన్ వంటకం తయారైనట్లే.