చిల్లీ చికెన్ నూడుల్స్-చైనీస్ ట్రీట్

Non Veg

oi-Saraswathi

By Sindhu

Published: Thursday, June 7, 2012, 10:37 [IST]

మాంసాహారంలో చికెన్ ఇష్టపడని వారు ఎవరూ ఉండరు కదా ఎప్పుడూ ఒకే రకంగా వండినా బోర్ అనిపిస్తుంది. అవే పదార్ధాలు అయినా కొంచెం మార్చి వండితే కొత్త రుచితో బావుంటుంది ఏ వంటకం అయినా. మన ఇండియన్ రుచులకే పరిమితం కాకుండా పక్కదేశాల రుచులను కూడా అప్పుడప్పుడూ రుచిచూస్తే వెరైటీగా కొత్తరుచులను చూసివారవుతారు. చైనీస్ వంటలంటే చాలా మంది అమితంగా ఇష్టపడతారు. వీటికోసం తప్పనిసరిగా బయటకు వెళ్ళేవారు వున్నారు. ఈ వంటకాలను ఇంట్లో చేసుకోవడం కష్టం అని అనుకుంటారు. కొద్దిగా సమయం మరికొంత శ్రద్ద పెడితే వీటిని ఇంట్లోనే రుచిగి చేసుకోవచ్చు. అలా ఇంట్లో చేసుకోగలిగిన చైనీస్ వంటకం మీ కోసం....

కావలసిన పదార్థాలు:
నూడుల్స్: 150grms
చికెన్: 150grms
క్యాబేజీతురుము: 1/2cup
క్యారెట్ తురుము: 1/2cup
ఉల్లిపాయ పెద్దది: 1
క్యాప్సికమ్: 1
ఉప్పు: రుచికి సరిపడా
మిరియాల పొడి కొద్దిగా
నూనె: తగినంత
అల్లం వెల్లుల్లి పేస్ట్: 1tsp

తయారు చేయు విధానం:
1. ముందుగా చికెన్ ముక్కలను శుభ్రం చేసుకొని వాటికి ఉప్పు, మిరియాల పొడి పట్టించి పక్కన పెట్టుకోవాలి.
2. తర్వాత ఒక గిన్నెతీసుకొని అందులో ఒక లీటర్ నీళ్ళు పోసి అందులో నూడుల్స్, స్పూన్ నూనె వేసి రెండు మూడు పొంగులు రానివ్వాలి.
3. నూడుల్స్ కొద్దిగా ఉడికిన తర్వాత నీరంతా వంపేసి పక్కన పెట్టువాలి.
4. ఇప్పుడు కూరగాయలను ముక్కలుగా తరిగి సిద్దం చేసి పెట్టుకొన్న తరువాత పాన్ లో నూనె వేసి ఉల్లిపాయ ముక్కలు వేసి కొద్దిసేపు వేయించి, అల్లం వెల్లుల్లి పేస్ట్ చేర్చి మరికొద్దిసేపు వేగనివ్వాలి.
5. తర్వాత మిగిలిన కూరగాయల ముక్కలు కూడా వేసి మరికొద్దిసేపు వేయించుకోవాలి. వీటికి చికెన్ ముక్కలు కలిపి రెండు నిమిషాలు వేయించుకొన్న తర్వాత ఉప్పు కలిపి కొద్దిగా నీరు పోసి ముక్కలనీ ఉడికించుకోవాలి.
6. నీరంతా ఇంకిపోయి ముక్కలు ఉడికిన తరువాత ముందుగా ఉడికించి పెట్టుకున్న నూడుల్స్ చేర్చాలి. అన్నింటినీ మరికొద్దిసేపు వేయించి దింపేయాలి.
7. దించే ముందు ఎరుపు క్యాప్సికమ్ ముక్కలతో అలంకరించాలి. అంతే చిల్లీ చికెన్ నూడుల్స్ రెడీ. వీటిని వేడివేడిగా తింటే చాలా రుచికరంగా ఉంటాయి.