ఫ్యాట్ లెస్ తందూరి ల్యాంబ్

Non Veg

oi-Saraswathi

By Sindhu

Published: Tuesday, July 10, 2012, 15:19 [IST]

మాంసాహారాల్లో ఇతర మాంస ఉత్పత్తులతో పోల్చితే ల్యాంబ్ లో అతి తక్కువ శాతం కొవ్వు కలిగి ఉంటుంది. పోట్రీన్స్ అందించడంలో ల్యాంబ్ కూడా ఒక మంచి పౌష్టికాహారమే. ఇందులో జింక్ అధికంగా ఉండటం వల్ల ఇది రోగనిరోధక శక్తిని మెరుగుపర్చేలా చేస్తుంది. అలాగే ఇందులో బి12 విటమిన్ కూడా ఉండటం వల్ల ఇది ఆరోగ్యకరమైన నాడీ వ్యవస్థ సరిగ్గా పనిచేయాడానికి బాగా ఉపకరిస్తుంది. వీటితో పాటు బి3 విటమిన్ కూడా ఉండి మెమరీ ప్రాబ్లమ్స్ ను దరిచేరకుండా చేస్తుంది. ఇందులో క్యారెట్ తురుమును చేర్చడం వల్ల క్యారెట్ లో బీటా కెరోటిన్ అనే ఫైబర్ కంటెంట్ ఉంటుంది. అలాగే విటమిన్ ఎ, సి, కె మరియు పొటాషియం ఉంటూ ఆరోగ్యానికి చాలా మంచి చేస్తాయి.

కావలసిన పదార్థాలు:
మటన్ (ల్యాంబ్): 1kg(మేకపిల్ల కాలు)
బ్లాక్ బెర్రీ వెనిగర్: 2cups
అల్లం వెల్లుల్లి పేస్ట్: 2tbsp
క్యారెట్: 1(చిన్న ముక్కలుగా చేసుకోవాలి)
ఉల్లిపాయలు: 2(చిన్న ముక్కలుగా చేసుకోవాలి)
కారం: 2tbsp
చాట్ మసాలా పౌడర్: 2tsp
నూనె: తగినంత
ఉప్పు: రుచికి తగినంత
మిరియాల పొడి: 1tsp

తయారు చేయు విధానం:
1. ముందుగా ముందుగా మేకపిల్ల లెగ్ పీస్ ను బాగ శుభ్రం చేసి తడి ఆరనివ్వాలి.
2. ఇప్పుడు ఒక గిన్నెలో బ్లాక్ బెర్రీ వెనిగర్(మార్కెట్ లో దొరుకుతుంది), మిరియాలపొడి, కారం, అల్లం వెల్లుల్లి పేస్ట్, క్యారెట్ తురుము, ఉప్పు అన్నీ వేసి బాగా మిక్స్ చేయాలి. కావాలనిపిస్తే కొద్దిగా నీళ్ళు కలుపుకోవచ్చు.
3. ఇప్పుడు ముందుగా శుభ్రం చేసి పెట్టుకొన్న లెగ్ పీస్ ను అక్కడక్కడా గాట్లు చేసి, తయారు చెసుకొన్న మసాలా మిశ్రమాన్ని వాటి మొత్తానికి బాగా పట్టించి పక్కన పెట్టుకోవాలి. ఇలా కనీసం ఆర గంటల సమయం అన్న పక్కన పెట్టేయాలి. అప్పుడే ఆ లెగ్ పీస్ బాగా మసాలా పట్టి, మంచి స్పైసీ వాసనతో పాటు, రుచికరంగా ఉంటుంది.
4. ఈ మ్యారినేట్ చేసి ల్యాంబ్ లెగ్ పీస్ ను మైక్రో ఒవెన్ లో బెక్ చేసుకోవచ్చు. లేదా మట్టి పొయ్యి మీద ఇనుప చువ్వులు పరిచి దాని పెట్టి కనీసం 15 నుండి 30 నిమిషాల పాటు బాగా కాల్చాల్సి ఉంటుంది. అ
5. అంతే తందూరి ల్యాంబ్ రెడీ. పక్కకు తీసి దాని మీద లైట్ గా ఉప్పు, చాట్ మసాలా చిలకరించి వేడి వేడిగా సర్వ్ చేయాలి.