ఫిష్ 65 ఈవెనింగ్ స్నాక్ మరియు సైడ్ డిష్

సాధారణంగా మాంసాహార ప్రియులు చాలా మంది చికెన్, మటన్ తిన్నంతగా చేపలను తినరు. అయితే చేపల్లో ఉండే గొప్ప ఆరోగ్య ప్రయోజనాలను తెలుసుకుంటే, చేపలను తినకుండా ఉండాలేరు. చికెన్ మటన్ కంటే, సీఫుడ్ లో ఓమేగా 3 ఫ్యాటీ యాసిడ్స్ పుష్కలంగా ఉండి ఆరోగ్యానికి ఎంతో మేలు చేస్తాయి. క్యాలరీలు తక్కువ, ఫ్యాట్ తక్కువగా ఉండటం వల్ల గుండెకు చాలా మంచి ఆహారం.

చేపలతో వివిధ రకాల వంటలను వండుకోవచ్చు. గ్రేవీ, పులుసు, చేపల వేపుడు, ఫిష్ బిర్యానీ ఇలా వివిధ రకాలుగా తయారుచేసుకుంటారు. ఫిష్ తో ఫిష్ 65 చాలా టేస్ట్ గా ఉంటుంది. ఇది ఈవెనింగ్ స్నాక్ గా మరియు సైడ్ డిష్ గా కూడా అద్భుతంగా ఉంటుంది. పప్పు చారు, చారు వంటివి వండినప్పుడు సైడ్ డిష్ గా ఫిష్ 65 బెస్ట్ కాంబినేషన్. మరి మీరు కూడా ఫిష్ 65 రుచి చూడాలంటే ఈ క్రింది తయారుచేసే విధానంను తెలుసుకోవాల్సిందే...

కావల్సిన పదార్థాలు:
చేపముక్కలు: 4(శుభ్రంగా కడిగి పక్కన పెట్టుకోవాలి)
గుడ్డు : 1
పెప్పర్ : చిటికెడు
మైదా: 2 tsp
అల్లం వెల్లుల్లి పేస్ట్: 1tsp
కారం : 2tsp
గరం మసాలా పౌడర్: 1tsp
ఉప్పు: రుచికి సరిపడా
జీలకర్రపొడి : కొద్దిగా
ధనియాల పొడి : 1 tsp
నూనె: డీప్ ప్రైకి సరిపడా

తయారుచేయు విధానం:
1. ముందుగా ఒక బౌల్ తీసుకొని అందులో చేపముక్కలు, నూనె తప్ప మిగిలిన పదార్థాలన్నింటినీ వేసుకొని బాగా మిక్స్ చేయాలి.
2. తర్వాత గుడ్డను కూడా పగలగొట్టి, పచ్చసొనతో పాటు వేసి బాగా మిక్స్ చేయాలి.
3. తర్వాత అందులో చేప ముక్కలన్నింటినీ వేసి బాగా మిక్స్ చేయాలి.
4. ఇలా మసాలా పట్టించిన చేపముక్కలను అరగంట పాటు ఫ్రిజ్ లో పెట్టిడితే మరింత టేస్ట్ ఉంటుంది.
5. అరగంట తర్వాత ప్రింజ్ లో నుండి బయటకు తీసి పెట్టుకోవాలి.
6. డీప్ ఫ్రైయింగ్ పాన్ లో నూనె వేసి, వేడయ్యకా, మ్యారినేట్ చేసి పెట్టుకొన్న చేపముక్కలను నూనెలో వేసి అతి తక్కువ మంట మీద అన్ని వైపులు బ్రౌలన్ కలర్లో మారేవరకూ ఫ్రై చేసుకోవాలి.
7. ఇలా అన్ని చేపముక్కలను ఫ్రై చేసుకొన్న తర్వాత వాటిని ఒక పేపర్ టవల్ మీద వేస్తే అదనపు నూనె పీల్చుకుంటుంది. చేపముక్కలు మరింత టేస్ట్ గా ఉంటాయి. అంతే ఫిష్ 65 రెడీ. ఈ ఫిష్ 65ని స్నాక్ గా మరియు సైడ్ డిష్ గా ను తీసుకోవచ్చు. పప్పుచార, చారు వంటి వాటికి బెస్ట్ కాంబినేషన్ సైడ్ డిష్ గా చాలా టేస్ట్ గా ఉంటుంది.