ఫ్రైడ్ ఎగ్ కోప్తా

Non Veg

oi-Saraswathi N

By Sindhu

Published: Friday, June 18, 2010, 15:46 [IST]

కావలసిన పదార్ధాలు:
కోడిగుడ్లు: 4
మిరియాలు: 1tsp
ఉప్పు: 1tsp
కోప్తాల తయారు చేయుటకు
బంగాళాదుంపలు: 4
క్యారెట్లు: 2
బీన్స్‌: 100grms
ఉల్లిపాయలు: 2
అల్లం: చిన్నముక్క
పచ్చిమిర్చి: 6
నిమ్మకాయ: 1
ఉప్పు: రుచికి సరిపడా
నూనె: వేయించడానికి సరిపడా

తయారు చేయు విధానం:
1. కోఫ్తాలకోసం ఆలుగడ్డలను ఉడికించి మెత్తగా ముద్ద చేసి ఉంచాలి.
2. పాన్ లో నూనె వేసి సన్నగా తరిగిన ఉల్లిపాయలు, అల్లంముక్కలు, పచ్చిమిర్చి వేసి వేయించాలి. తరవాత క్యారెట్‌ తురుము, సన్నగా తరిగిన బీన్స్‌ ముక్కలు అన్నీ కలిపి మూడు నిమిషాలు వేయించి ఆలూ ముద్ద కూడా వేసి ఫ్రై చేయాలి.
3. అందులోనే నిమ్మరసం, ఉప్పు వేసి మిశ్రమంలో బాగా కలిసే విధంగా కలిపి ప్రక్కకు దింపుకోవాలి. తర్వాత చిన్న ఉండలుగా చుట్టి కార్న్‌ఫ్లోర్‌(మొక్క జొన్నపొడి)లో దొర్లించాలి. తరవాత వీటిని నూనెలో వేయించి తీయాలి.
4. గిన్నెకు అడుగున కొద్దిగా నూనె పూసి కోడిగుడ్ల సొన, ఉప్పు, మిరియాలపొడి వేసి గిలకొట్టాలి.
5. ఇప్పుడు కోఫ్తాలు వేయించి తీసిన పాన్ లోనే కొద్దిగా నూనె ఉంచి, ఒక కప్పు గుడ్డుసొన మిశ్రమాన్నీ వేసి దాని మధ్యలో కోఫ్తాను ఉంచాలి. పక్కకు వచ్చిన గుడ్డు మిక్స్‌ను కోఫ్తా వైపు తిప్పుతుండాలి. ఇలా అన్ని కోఫ్తాల్ని ఫ్రై చేసి స్నాక్స్‌లా అందించండి.