మాంసాహార ప్రియులకు గోవన్ ప్రాన్ కాల్డైన్

Non Veg

oi-Saraswathi

By Sindhu

Published: Thursday, June 7, 2012, 17:58 [IST]

సీ ఫుడ్ లో అందరూ చాలా ఇష్టంగా తినేవి రొయ్యలు. మాంసాహారులు ఇష్టపడే పదార్థాల్లో సముద్ర ఆహారం గురించీ చెప్పుకోవాల్సిందే...ఒమెగా త్రీ ఫ్యాటీ ఆమ్లాలతో పాటు ఇతర పోషకాలు అందించినా... మెదడుకు మేలుచేసినా.. హృద్రోగాలను దరిచేరనివ్వకుండా కాపాడినా.. ఆ ఆహారం ప్రత్యేకతే వేరంటాయి అధ్యయనాలు.... నాన్ వెజ్ లో చికెన్ తరువాత చాలా ఇష్టంగా తినేవి రొయ్యలు.ఈ కర్రీ బిర్యానీ,పులావుల్లోకి,ముఖ్యంగా కొబ్బరన్నం(కొబ్బరిపాలతో చేసే రైస్)లోకి చాలా బావుంటుంది.అందుకే ఇలాంటి నోరూరించే సముద్రపు వంటకాలను రుచిచూడాల్సిందే...

కావలసిన పదార్థాలు:
రొయ్యలు: 1/2kg
వైట్ వైన్ వెనిగర్: 2tbsp
పసుపు: 1/2tsp
నల్ల మిరియాలు: 1tsp
జీలకర్ర: 1tsp
ధనియాలు: 1tsp
గసగసాలు: 2tbsp
వేరుశెనగ నూనె: 4tbsp
ఉల్లిపాయ: 1(సన్నగా తరిగినవి)
వెల్లుల్లి రెబ్బలు: 4
అల్లం: చిన్న ముక్క
కొబ్బరిపాలు: 3tbsp
చింతపండు రసం: 4tbsp
పచ్చిమిర్చి: 4-6
కొత్తిమీర తరుగు: 2tbsp
ఉప్పు: రుచికి సరిపడా

తయారు చేయు విధానం:
1. ముందుగా రొయ్యల్ని శుభ్రం చేసి పెట్టుకోవాలి. తర్వాత వెనిగర్, అరచెంచా ఉప్పు కలిపి ఐదు నిమిషాల పాటు నాననివ్వాలి.
2. ఇంతలోపు మిరియాలు, ధనియాలు, జీలకర్ర, గసగసాల్ని తీసుకుని మెత్తగా పొడి చేసుకోవాలి.
3. ఇప్పుడు పాన్ లో నూనె వేసి వేడి అయ్యాక అందులో సన్నగా తరిగి పెట్టుకొన్న ఉల్లిపాయ ముక్కలు, వెల్లుల్లి, అల్లం పలుకులు వేయించాలి.
4. ఐదారు నిమిషాల అయిన తర్వాత ముందుగా సిద్ధం చేసుకున్న మసాలా పొడి కూడా వేసి రెండు నిమిషాలు వేయించాలి. ఇది మిశ్రమంలా తయారయ్యాక కొబ్బరిపాలు, చింతపండు రసం, పచ్చిమిర్చి, సరిపడా ఉప్పు చేర్చి తక్కువ మంటలో బాగా వేగనివ్వాలి.
5. ఇప్పుడు రొయ్యల్ని కూడా వేసి బాగా కలపాలి. ఐదు నిమిషాలకు కూర తయారవుతుంది. చివరగా కొత్తిమీర తరుగును చల్లి దింపేస్తే సరిపోతుంది. ఇది అన్నంలోకి చాలా బాగుంటుంది.